ՀՀ ՊՆ, ՊԲ, ե՞րբ եք վերջ տալու էս բարդակին, ինչո՞ւ եք տղերքի անունները հուղարկավորվելուց 5-6 ամիս անց հրապարակում. Ղուլյան

ՀՀ պաշտպանության նախարարություն, Պաշտպանության բանակ, երբ եք վերջ տալու էս բարդակին, ինչու եք տղերքի անունները զոհվելուց և հուղարկավորվելուց 5-6 ամիս անց հրապարակում և ինչքան թաքցված անուններ դեռ ունեք: Այս մասին իր ֆեյսբուքյան էջում գրել է Արցախի բնակիչ Ալեն Ղուլյանը:

«Երեկ Արցախի ՊԲ-ն զոհված ևս 193 զինծառայողների անուններ է հրապարակվել...

Ցուցակում Արցախի Մարտունու քաղաքի կամավորականների անուններ էլ կան, որոնց ես շատ լավ ճանաչում էի և տեղյակ եմ, որ նրանց մարմինները ճանաչելի էին` ԴՆԹ փարձաքննություն չի նշանակվել և նրանք անհայտ կորածների ցուցակներով չէին անցնում։ Այդ տղաներից մի քանիսը Մարտունու գերեզմանատանն են հուղարկավորվել, մյուսները` Եռաբլուր զինվորական պանթեոնում։

Ընդ որում, այդ ցուցակում ընդգրկված զոհվածներից մեկի հարազատներին Հարությունյան Արայիկը էս վերջերս «Մարտական Խաչ» շքանշան է հանձնել (լրատվակայքում կա ինֆոն)..

Ցուցակում հարազատիս անունն էլ կարդացի.. Զոհվել է նոյեմբերի 3-ին (մարմինը ճանաչելի էր, ԴՆԹ թեստ չի հանձնվել) տեղափոխվել է Երևան և մի քանի օր անց հուղարկավորվել Եռաբլուրում։

ՀՀ պաշտպանության նախարարություն / MoD of the Republic of Armenia ,

Պաշտպանության Բանակ/ Artsakh Defence Army/ Армия обороны Арцаха

Ե՞րբ եք վերջ տալու էս բարդակին: Ինչո՞ւ եք տղերքի անունները զոհվելուց և հուղարկավորվելուց 5-6 ամիս անց հրապարակում և ինչքա՞ն թաքցված անուններ դեռ ունեք:

Վերջը, սրա համար որևէ մեկը պատասխանատվության ենթարկվելո՞ւ է, թե՞ ոչ:

ՀԱՎԵՐԺ ՓԱՌՔ ՄԵՐ ՀԵՐՈՍՆԵՐԻՆ»: