Նախագահների հանդիպումը հարցի լուծման չի հանգեցնի (տեսանյութ)

Երբ ադրբեջանական կողմը հասկանում է, որ այլևս տեղ չունի նահանջելու և պետք է հանդիպի բանակցային սեղանի շուրջ, ստիպված գնում է քայլերի, որոնք չեն տանի հարցի լուծման, այլ կրկին ու կրկին կբարձրացնեն զինադադարի հարց:

Անդրադառնալով հրասայլից հայկական կողմի վրա բացած կրակոցին, իր տեսակետը հայտնեց «Ժառանգություն» խմբակցության պատգամավոր Թևան Պողոսյանը:

Նրա խոսքով` Ադրբեջանը փորձում է ունենալ բանակցային մի հարթակ, որտեղ կունենա ավելի բարձր դիրք բանակցային գործընթացի համար:

«Ուզում է ասել, թե տեսեք ես ունեմ ռազմական այսպիսի հնարավորություններ, տեսեք, թե ինչ իրավիճակ կարող եմ ստեղծել սահմանագծում ու կշարունակեմ: Եվ, եթե ցանկանում եք, որ որևէ լուծում լինի, ապա պետք է կարողանաք ճնշել հայկական կողմին և ես այսպիսի գործողությունների չեմ դիմի»,- ասաց Պողոսյանը:

Նա վստահ է, որ հայկական կողմն այս իրավիճակը լավ է պատկերացնում և հայկական բանակը թույլ չի տալիս, որ Ադրբեջանը բանակցային սենյակ մտնի բարձր սեղանից:

«Պատժիչ գործողություններով հայկական կողմը կարող է այնպես անել, որ Ադրբեջանի նախագահը երբևե չկարողանա հայտարարել, թե ես ուժային գործողություններով կարող եմ բանակցային գործընթացից շեղեմ»,- նշեց Թևան Պողոսյանը:

Նա չի հավատում, որ բանակցությունները գնալու են դեպի լուծում: Ադրբեջանը հասավ այն իրավիճակին, որտեղ կարող է լինել միայն զինադադարի քննարկում:

Թևան Պողոսյանը չի բացառում նաև, որ սահմանում լարվածությունը երկու նախագահների հանդիպման օրն ավելի կսրվի:

Մանրամասները` տեսանյութում