Երկամյա երեխայի կյանքը մազից է կախված (տեսանյութ)

Գյումրեցի երկամյա Ֆելիքս Ավետիսյանի առողջական վիճակը ծանր է: Նրա կյանքը մազից է կախված:

Գյումրիի Մուշ-2/2 թաղամասում բնակվող Ավետիսյանների երկու տարեկան երեխան ի ծնե տառապում է «ԴՑԲ» հիվանդությամբ: Ծնողների հավաստմամբ երեխային անհրաժեշտ է ամենօրյա վերականգնողական բուժօգնություն, սակայն սոցիալական ծանր պայմաններն ու ֆինանսի բացակայությունը թույլ չի տալիս սկսել երեխայի բուժումը:

Փոքրիկի հիվանդանոցային ծախսերը, մեկ ամսվա հաշվարկով, կազմում է 150 հազար դրամ:
Ու քանի որ տղան չի ստանում անհրաժեշտ բուժօգնություն, ուստի վիճակը գնալով բարդանում է:
«Տղայիս կյանքը մազից է կախված»,- ասում է մայրը, ում խոսքով ընտանեկան բյուջեն չի գերազանցում 100 հազար դրամը:

Ֆելիքսի հայրն ստանում է 60 հազար դրամ աշխատավարձ, ևս 40 հազար դրամ էլ պետության կողմից նպաստ են ստանում:

Այս գումարից նրանք վճարում են վարձակալած բնակարանի ամսավճարը, կոմունալ ծախսերը և հազիվ օրվա ապրուստն են ձեռք բերում:

Ֆիանանսկան այլ եկամտի աղբյուր Ավետիսյանների ընտանիքը չունի:

Մանրամասները՝ տեսանյութում