Զոհված զինծառայող Ռաֆայել Օվսեյանի ծնողները որոշել են երեխա ունենալ․ կկատարեն Ռաֆայելի երազանքը (Տեսանյութ)

Արցախյան պատերազմում զոհված Ռաֆայել Օվսեյանի մոր՝ Աննա Էժդարյանի խոսքով՝ տղան շատ տխուր է եղել բանակ գնալուց առաջ: «Շատ էր ուզում արձակուրդ գալ: Սեպտեմբերի 17-ին գնացինք Ջրական, իրեն անակնկալ մատուցեցինք, 2 օր մնացինք, 3-րդ օրը թույլ չտվեցին, խառնվել էին իրար, չէինք հասկանում ինչ է կատարվում: Իրենք նախորոք գիտեին, որ կռիվ է լինելու»,-պատմում է Ռաֆայելի մայրը՝ Աննա Էժդարյանը»,-նշում է նա:

«Միշտ ինձ ասում էր՝ մամ, գնամ բանակ գամ, ապերիկ ունենանք, ասում էի՝ Ռաֆո ջան, գնալու ես գաս, դու ես ամուսնանալու, երեխա ունենալու»,-ասում է մայրը: Քույրն էլ հավելում է, որ ծնողները որոշել են երեխա ունենալ, կատարել Ռաֆայելի երազանքը:

Ռաֆայել Օվսեյանը ծնվել է 2001 թվականի սեպտեմբերի 17-ին: Հայրենիքի պաշտպանության համար մղվող մարտերում նա զոհվել է 2020 թվականի հոկտեմբերի 7-ին: