Բա Հովիկն ասում է` դա մերը չէր, շուտ պիտի տայինք․ որ պիտի տայիք, ինչի՞ էիք մեր տղերքին ասում գնացեք ու զոհվեք․ Լուսինե Հարոյան

Իմ քայլական Հովիկ Աղազարյանն իր հարցազրույցի ժամանակ ասել էր, թե «Քարվաճարը մեր չէ: Հայաստանում կա՞ ինչ-որ մեկը, այդքան դուխով, որ ամբողջ աշխարհին ասի՝ Քարվաճարը մերն է եղել...»: Աղազարյանը նաև ասել էր, թե Ցեղասպանությունը ճանաչելուց մեզ ի՞նչ օգուտ..․

Աղազարյանի հայտարարությանն է անդրադարձել «Համահայկական Ազգային համաձայնություն» շարժման քաղաքական խորհրդի համանախագահ Լուսինե Հարոյանը։

«Հովիկ Աղազարյան-վիժվածք, բա որ Քարվաճառը մերը չէր, Հադրութը մերը չէր, Շուշին մերը չէր, ինչի՞ համար էին կռվում ու զոհվում Տղերքը:

Ինչի՞ է իմ տղան 2000-ից ավել հրանոթի արկեր խփել` ամեն վայրկյան մահն աչքի առաջ ունենալով, էնքան վիշտ ու տառապանք տեսել, որ ոչ մի մեծահասակ չէր դիմանա, ինչի՞ համար է նրա ամենամոտ Ընկերը զոհվել, նրա ավագը երկու ոտքից զրկվել։

Պատասխանի՛ր, վիժվածք։

Բա եթե մերը չէր, ինչի՞ էիք տղերքին ասում, որ մերն է, մեր հայրենիքն է, մեր ամենաթանկն է ու դրա համար պիտի գնաք զոհվեք։

Նիկոլ Փաշինյա՛ն, սրբապիղծ տականք, բա որ մերը չէր, ինչո՞ւ էիր ասում, թե սա մի նոր Սարդարապատ է ու պիտի բոլորս կռվենք ու զոհվենք:

Այսինքն, ո՞նց մերը չէ:

Բա որ մերը չէր, հազարներով լույս Էրեխեքն ինչո՞ւ կոտորվեցին:

Մարդի՛կ, հասկանո՞ւմ եք սրանք ինչ սրբապիղծ են, ինչ հրեշ են, սրանք միայն մեր հայրենիքը չէ, որ ծախում են, սրանք մեր տղերքի գործն ու անունն են պղծում, մեր տղերքի հիշատակն են պղծում:

Ու սրանց համար մեր տղերքը ոչ մի արժեք չունեին` սրանք միշտ մտածել են, որ մերը չէ, գիտեին, որ տալու են, բայց տղերքին ուղարկել են զոհվելու:

Ախր ո՞նց, ո՞նց ենք մենք սրանց հանդուրժում, ո՞նց չենք սատկացնում!»։

Լուսինե Հարոյանն անդրադարձել է նաև պատերազմի օրերին հնչող զորահավաքի կոչերին․ 

«Իսկ էն «մտավորական» կոչվածներն ո՞ւր են, էն «հայտնիները», որ պատերազմի օրերին թվ-ներով պաթոսախեղդ ելույթներ էին ունենում, լացակումած աչքերով ասում` տղերք ջան, սա մեր հայրենիքն է, մեր հող ու ջուրն է, մեր սրբությունն է, պիտի գնաք ու զոհվեք:

Առավոտից իրիկուն դրանց ռեխերն էին ցույց տալիս գովազդի փոխարեն:

Ո՞ւր եք, ա՛յ հանցագործներ, չեք ուզո՞ւմ պատասխան տալ, որ էրեխեքին մահվան դուռն եք ուղարկել, որ ցեղասպանություն եք իրականացրել:

Բա Հովիկն ասում է՝ դա մերը չէ, շուտ պիտի տայինք, որ պիտի տայիք, ինչի՞ էիք ասում գնացեք ու զոհվեք»: