Ընդդիմադիրներից մեկը գործարք է առաջարկել Նիկոլին՝ տեղը զիջել Խաչատուր Սուքիասյանին. մանրամասներ

Ընդդիմության արշալույսներն այնքան էլ խաղաղ չեն. փաստորեն, Վազգեն Մանուկյանի թեկնածությունը՝ որպես բոլորի ու միասնական, միայն ֆիկտիվ բնույթ է կրում։ Պարզվեց՝ հենց 17-ի ներսում և ոչ միայն, շատերը պատրաստ են խաղալու կապիտուլյանտի խաղը՝ նրա հետ, նրա «օրոք» և նրա «ձեռամբ» գնալ ընտրությունների, բավարար չէ, մի բան էլ նրա սրտի ընտրակարգով։

Ինչպես ասում են՝ ամեն ինչ ծիծաղելի կլիներ, եթե այսքան ողբերգական չլիներ։

Որքան էլ սարսափելի է խոստովանելը, ոչ քաղաքական դաշտին, ոչ բոլորից հիասթափված հանրությանը չի հաջողվում հեռացնել մարդկային ու տարածքային կորուստների թիվ մեկ պատասխանատուին ու թիվ մեկ մեղավորին։

Ու պատճառն ամենևին էլ Նիկոլ-ֆենոմենը չէ, այլ նրան բացահայտորեն իբր մերժող, բայց «տակից» նրա հետ համագործակցող «սև ուժերը»։

Եվ այսպես, NEWSPRESS.am-ին հայտնի է դարձել, որ ընդդիմության կարկառուն դեմքերից մեկը փորձում է Նիկոլին համոզել հեռանալ՝ տեղը զիջելով, ուշադրություն, Խաչատուր Սուքիասյանին՝ այդպիսով և՛ Նիկոլն ապահով կհեռանա, և՛ իրենց համար «լավ կլինի»։

Իսկ թե լա՞վ կլինի հայ ազգի համար, թե՞ ոչ, կարծում ենք առավել քան դիպուկ նկարագրում է լրագրող Նաիրի Հոխիկյանի գրառումը նույն Սուքիասյանի հետ հանդիպման արդյունքներով։

Ամեն ինչից շատ, ամեն ինչից վեր փողը սիրող Սուքիասյանը նախընտրում է թուրքերի հետ առուծախ անել, ընդ որում՝ արդեն հիմա, մոռանալով ու թքելով թուրքի գնդակներից, ԱԹՍ-ներից ու Բայրաքթարներից զոհված տղերքի արյան վրա։

Սուքիասյանի «հայրենասիրությունը» լավագույնս արտահայտեց նրա տան աշխատակցուհին, ում, հավանաբար, նա լարել-ուղարկել էր՝ ասելու, որ ոչ միայն Շուշին, այլև Արցախն ադրբեջանական են։

Բայց դեռ սրանք էլ մի կողմ. ամբողջ տրագիկոմեդիան այն է, որ Փաշինյանն առայժմ «ձևեր է թափում», չի ընդունում այդ յուղոտ առաջարկը։ Երևի սրտում վախ կա՝ տեսնելով Սուքիասյանի պատեհապաշտ վերաբերմունքը Սերժ Սարգսյանի հանդեպ։

Նիկոլը նախընտրում է հենց ինքը լինել Հայաստանը վիլայեթ դարձնելու թուրքական ծրագրի գնացքի ղեկին՝ վերջնական սիրաշահելով իր քաղաքական բոլոր կնքահայրերին՝ Հայաստանից, Ադրբեջանից, Թուրքիայից, Մեծ Բրիտանիայից, Իսրայելից և... ոչ միայն։