«UWW»-ի կողմից Բուդապեշտի մրցաշարի ազատ ոճի լավագույն ըմբիշ է ճանաչվել Վազգեն Թևանյանը

Օրեր առաջ Բուդապեշտում կայացած Օլիմպիական վարկանիշային մրցաշարում մեր ազատոճային ըմբիշները նվաճեցին 2 ոսկե մեդալ և 2 օլիմպիական խաղերի ուղեգիր։

Երեկ ըմբշամարտի միջազգային ֆեդերացիան (UWW) հայտարարել է մրցաշարի լավագույն ազատ ոճային ըմբիշի անունը, լավագույնի կոչմանն է արժանացել ըմբշամարտի Հայաստանի հավաքականի ներկայացուցիչ, 65 կգ քաշային կարգում հանդես եկող, ազատ ոճի ըմբիշ Վազգեն Թևանյան։

Բուդապեշտի մրցաշարում Վազգեն Թևանյանի  գրանցած արդյունքները՝

5 հաղթանակ՝ 4-ը աշխարհի առաջնությունների մեդալակիրների նկատմամբ, իսկ եզրափակիչում մեր ըմբիշը 9-0 հաշվով պարտության մատնեց աշխարհի եռակի չեմպիոն Հաջի Ալիևին և դարձավ չեմպիոն։