Ռուսաստանում հայ ծննդկանի մահվան պատճառով բժիշկն ազատվել է աշխատանքից

24 ամյա Յանա Պլակսիի հարազատները, ով մահացել է Կրասնոյարսկի տարածաշրջանի Նովոմիխայելովսկի կենտրոնական ծննդատանը, ամեն գնով ուզում է հասնել արդարության:

Հետաքննության արդյուքում աշխատանքից ազատվել է բժիշկ-գինեկոլոգ Լարիսա Առակելովան, ում որոշմամբ հղի կնոջը տվել են ուժեղ ազդեցություն ունեցող դեղահաբ:
Կինն ամբողջ հղիության ընթացքում բժշկի մոտ հետազոտություն է անցել և խնդիրներ չի ունեցել: Նախնական տվյալների համաձայն երիտասարդ կնոջ օրգանիզմը չի կարողացել դիմադրել սրսկմանը, քանի որ արեգիայի դեմ փորձարկում չի արվել:

Բժշկուհի Առակելովան, փորձելով հանգստացնել ծննդկանին` հանձնարարել է ներարկել ուժեղ ազդեցության դեղ:

«Ես կարծում եմ, որ ցանկացած բժիշկ կարող է սխալվել: Դա բժշկական սխալ է եղել: Այսօր ես ստորագրել եմ բժշկի ժամանակավոր ազատման փաստաթուղթը` մինչև ուսումնասիրություններրն ավարտվեն»,- ասել է հիվանդանոցի գլխավոր բժիշկ` Վաղինակ Սվազյանը` խոստանալով, որ իրենք ներքին կարգով կլուծեն այդ հարցը:

Հիշեցնենք, որ 24-ամյա Յանային հիվանդանոցում ընդունել են դեկտեմբերի 2-ին: Հարազատների խոսքով` այդ օրը նա բողոքել է որովայնի շրջանում սուր ցավերից: Սակայն, մահացածի մոր տեղեկացմամբ, բժիշկները չեն շտապել նրան օգնություն ցուցաբերել:

Յանան հեռախոսով գանգատվել է մորը, որ բժիշկները իրեն ցավազրկել են և գնացել են ծննդյան տոն նշելու: