Մենք գնում ենք իշխանությունը վերցնելու․ մինչև հունիսի 1-ը պետք է ընտրություններն ավարտված լինեն. Էդմոն Մարուքյան (Տեսանյութ)

Ես չեմ ցանկանա, որ արտախորհրդարանական ընդդիմության կարծիքը քննարկման առարկա չդառնա։ Այդ մասին լրագրողների հետ հանդիպմանն ասաց 
«Լուսավոր Հայաստան» խմբակցության ղեկավար Էդմոն Մարուքյանը:

Նա նշեց, որ իրենց կուսակցության դիտարկմամբ, մինչև հունիսը 1-ը ընտրությունները պետք է ավարտված լինեն, իսկ դա էլ նշանակում է, որ առաջիկա տասն օրերի ընթացքում խորհրդարանի լուծարման գործընթացը պետք է մեկնարկի

«Եթե հիմա խորհրդարանը լուծարվի, մենք սիրով կգնանք այդ պրոցեսին, եթե ոչ, ուրեմն՝ այդ թեման փակվեց, անցնում ենք հաջորդ թեմաներին։ Ժամկետը կարևոր է, որովհետև ճգնաժամը այնքան խորն է, որ իրեն պետք է արագ հանգուցալուծում տալ։ Ամենաարագ ընտրությունների ժամկետը կարող է լինել մայիսի ընթացքում, որ հունիսի 1-ը ավարտված լինի: Եթե առաջիկա տասը օրերի ընթացքում չլինի, չեմ կարող ասել, թե ինչ կլինի։ Ժամանակը կգա նորից կխոսենք»,- նշեց Մարուքյանը։

Էդմոն Մարուքյանը նշեց, որ նախագահ Արմեն Սարգսյանի կարծքով, արտահերթ ընտրություններ պետք է լինեն, որ ներքաղաքական իրավիճակը հանգուցալուծվի։

Հարցին, թե հնարավոր է իշխանությունն իրենք վերցնեն․ «Մենք գնում ենք իշխանությունը վերցնելու։ Մենք չենք մասնակցում, որ խմբակցություն ունենանք խորհրդարանում, մենք ունենք խմբակցություն խորհրդարանում»։