«Դավաճանը դու ես` քո եղած-չեղածով, լակո'տ». Աղազարյանը բռունցքը բարձրացրեց, որ խփի ակցիայի մասնակցին (Տեսանյութ)

Ձեր կուսակցության ղեկավարը դավաճան է. դուք դավաճան եք, դուք Հայաստանի դեմ եք կանգնած: ԱԺ-ի մուտքի մոտ ԱԺ «Իմ քայլը» խմբակցության պատգամավոր Հովիկ Աղազարյանին դիմեց Նիկոլ Փաշինյանի հրաժարականը պահանջող քաղաքացիներից մեկը։

Պատգամավորն անցավ արձագանքեց. «Ապացուցում ես, թե՞ ուրիշ ձեւով... Դավաճանը դու ես քո եղած չեղածով, լակոտ»:

Ակցիայի մասնակիցն էլ հակադարձեց. «Լակոտը դու ես ու քո տղեն»:

Հովիկ Աղազարյանը բռունցքը բարձրացրեց, որ խփի, սակայն ոստիկանները միջամտեցին. «Ստոպ, ստոպ»:

«Նորմալ խոսա, պարգեւավճրներ եք լափում ու էս երկիրը տանում եք կործանման, մի հատ էլ հետս լակոտո՞վ ես խոսում»,-ասաց ակցիայի մասնակիցը:

Հովիկ Աղազարյանը հեռացավ այդտեղից, իսկ լրագրողի դիտարկմանը, թե իրենց մեղադրում են դավաճանության մեջ, նա ասաց. «Մեղադրանքները պետք է հիմնավորել: Թող դիմեն իրվապահ մարմիններին, հիմնավորեն եւ երբ որ հիմնավորեն, թե ով է դավաճանը, դատաստանը ես կանեմ»: