Ժողովրդից դարձեք կրկին ազգ, այլապես դառնում ենք ամբոխ, որին կառավարելու է օտարը. Հովհաննիսյան

Ես այն մարդկանցից եմ, որ չեմ համկերպվի երբեք Հայրենիքի կորստի հետ։ Այս մասին ֆեյսբուքյան իր էջում գրել է թուրք-քրդական հարցերով փորձագետ Կարեն Հովհաննիսյանը։

«Ես այն մարդկանցից եմ, որ չեմ համակերպվի երբեք Հայրենիքի կորստի հետ։ Ես կկանգնեմ այն մարդու, կամ մարդկանց կողքին, ովքեր վստահորեն կորդեգրեն ազատագրելու գաղափարը։ Այսինքն կորդեգրեն ուժեղ Հայաստան կառուցելու գաղափարը, ոչ թե յուրայինների համար, այլ ամբողջ ազգի համար։

Ես միամտաբար կարծում էի, թե երիտասարդներով շրջապատված այսօրվա իշխանությունն այն լույսն ու փարոսն է, որը պետք է Հայաստանին։ Ես սխալվեցի, ու այդ սխալը շատ դաժան էր։ Այդ երիտասարդներից մեծ մասը փաստորեն հատուկ ներդրված ական էին Հայոց պետականության մեջ, իրենց ներդրել էին տարատեսակ օտարածին ՀԿ-ներ, կամ կազմակերպություններ, որոնք բացառապես առաջնորդվում են մեր թշնամու շահերը սպասարկելով մեր երկրում։

Հրապարկներում տեղի ունեցողն այլևս ինձ քիչ է հուզում, քանի որ գնալով նմանվում է հերթական արարին։

Մտածեք, թե պատմության մեջ ինչպես եք մնալու, ինչ մեծ սև բիծ եք քաշել ձեր սերունդների վրա։ Ձեր սերունդները հավանաբար կփոխեն իրենց ազգանունը, բայց միևնույն է, չեն ձերբազատվի ձեր գործած քայելրի գնահատականը ստանալուց։

Ասում եք՝ լավ կապրի մնացած հատվածը։ Իսկ գիտե՞ք, որ 1828թ․-ին էլ հենց այդպես եղավ, մարդկանց բռնի տեղահանեցին իրենց բազմադարյա բնօրրանից, որպեսզի լավ ապրեն, բայց թուրքն այսօր եկավ ու հասավ այդ բռնի տեղահանվածներին ևս․․․

Այսօրվա իշխանություն, գիտես որքան հույս ու հավատ եմ ունեցել քո նկատմամբ, գիտես քանի աշխատանքի գնով եմ պայքարել քո համար, քանի անգամ եմ ընկերներիս համոզել, որ ճանապարհ փակեն, հրապարակ գան, որ հնարավորություն տան, որ այսքան մարդ չի կարող սխալվել․․․ Փաստորեն սխալվեցինք և ճակատագրական սխալ կատարեցինք։ Ազգ իմ Հայոց, խնդրում եմ, ժողովրդից դարձեք կրկին ազգ, այլապես դառնում ենք ամբոխ, որին կառավարելու է օտարը։ Ես չեմ ներում ոչ ինձ, որ քեզ բերեցի, ոչ էլ քեզ, որ ինձ խաբեցիր․․․»,- գրել է Հովհաննիսյանը։