Խախտումների մասին զրույցներն իներցիոն են. քաղաքական ուժերը պատրանքներ ունեն

Խախտումների մասին զրույցները իներցիոն են, իսկ որոշ քաղաքական ուժերը հիշողություններ ու պատրանքներ ունեն:

ԱԺ-ում լրագրողների հետ զրույցում ասաց ԱԺ փոխխոսնակ Հերմինե Նաղդալյանը` անդրադառնալով Սահմանադրական հանրաքվեի ընտրակեղծիքներին և ընտրախախտումներին:
Նրա խոսքով, այդ խախտումները պետք է լինեն փաստարկված:

«Աշխատանքը շարունակվում է, մնացածը ևս վերահաշվարկվելու են ու նոր դրանից հետո կերևա՝ նման կարծիքների համար հիմքեր կան, թե ոչ»,- ասաց Նաղդալյանը:

Հարցին, թե կա՞ արդյոք հանրությանը համոզելու կարիք, որ այդ արդյունքերը լեգիտիմ են, ԱԺ փոխնախագահն ասաց. «Մենք որևէ մեկին համոզելու խնդիր չունենք: Իրողությունն այն է, որ քայլ առ քայլ ընտրությունները կատարվում են ավելի թափանցիկ ու ավելի օրինական»:

Նա հիշեցրեց 10-15 տարի առաջ կատարվող ընտրախախտումների մասին, երբ տեղամասում հանգցնում էին լույսերը, գողանում էին տուփերը կամ ընտրատեղամասերի մոտ ամբողջ գիշերը աղմկում էին:

Լրագրողների դիտարկմանը, թե Ձեր թվարկած բոլոր խախտումներն այս անգամ էլ եղել են, Նաղդալյանը չհամաձայնեց. «Դա փաստ չէ, փաստն այն է, որը արձանագրված է: Կա 78 բողոք, որոնք փաստեր են: Իսկ դրանց մեջ կան տարբեր բաներ»,- նկատեց Հ.Նաղդալյանը` հավելելով, որ խոսոքը գնում `մասսայական, զանգվածային, ճնշող մեծամասնության մասին, որը ունեցել է էական ազդեցություն, իսկ այսօր էական ազդեցությունը պակասել է: