Ծառերի էտումից ստացված բնափայտը կարիքավորներին անվճար տրամադրելու փոխարեն Երևանի քաղաքապետարանը վաճառել է այն

Ամեն տարի Երևան քաղաքի չորացած ծառերի հատումներից և ճյուղերի էտումից ստացված բնափայտը բաժանվում է անապահով ու կարիքավոր ընտանիքներին, որպես աջակցություն։

Այս տարի նախատեսված է եղել այդ փայտը, առաջնահերթության կարգով, նախատեսված է եղել տրամադրել նաև Արցախյան պատերազմում զոհված ազատամարտիկների կարիքավոր ընտանիքներին։ Սակայն այն հասցեատերերին չի հասել, կամ հասել է գումարի դիմաց։

NEWSPRESS.am-ի տեղեկություններով Երևանի քաղաքապետարանի «Կանաչապատում և շրջակա միջավայրի պահպանություն» ՀՈԱԿ-ի տնօրեն Արա Աղայանը այս գործն իր հսկողության տակ է առել ու անձնական բիզնես սարքել։

Ավելի վաղ, մենք անդրադարձել էինք վեջինիս մեկ այլ՝ տեսակավորված աղբի բիզնեսին։

Տեղեկություններ կան, որ Արա Աղայանը արդեն իսկ վաճառել է մարդկանց անվճար տրամադրելու համար նախատեսված 600 կուբամետր վառելափայտ և շարունակում է վաճառել։

Այս գործարքում․ մեր տեղեկություններով, Արա Աղայանի հետ ներգրավված է նույն ՀՈԱԿ-ի աշխատակից Արսեն Պետրոսյանը, ում Աղայանն իր հետ բերել է «Կամուրջ» հիմնադրամից։

Ավելի վաղ նշել էինք նաև, որ Արա Աղայանին «Կամուրջ» հիմնադրամից հեռացրել են թալանի պատճառով․․․

Չի բացառվում, որ հիմնադրամում ևս Արա Աղայան-Արսեն Պետրոսյան զույգը միասին է գործել՝ մեկը մյուսին պահելով, քանի որ մեր տեղեկություններով փայտի պահեստավորումը Աղայանը վստահել է Արսեն Պետրոսյանին։ 

Այլ կերպ ասած, այն ինչ նախատեսված է օրենքով տալ կարիքավորներին որպես օգնություն, տալիս են նրանց ու ոչ միայն նրանց՝ գումարի դիմաց, աջակցությունը վերածելով բիզնեսի:

Մնում է հասկանալ, թե տեղյա՞կ են այդ մասին վերևներում և աչք են ձփակում այդ ամենի վրա՞, թե՞ փայատեր են․․․

Ի դեպ, հարկ է նկատել նաև, որ Արսեն Պետրոսյանն ակտիվ մասնակցել է Նիկոլ Փաշինյանի նախաձեռնած հանրահավաքին։ Ըստ ամենայնի նաև ապահովել է գլխաքանակ։ Համենայնդեպս նա երեկոյան ավելի քան 6 րոպե լայվ է մտել հրապարակից՝ ցուցադրելով, թե ինչպես է ծածանվում մեծ դրոշը։

NEWSPRESS.am