Մարդ չալարեր, ՊՆ-ից հարցում աներ, թե վերջին պատերազմին ՀԱԿ-ից ու Դավաճանական Պայմանագիր կուսակցությունից քանի նահատակ է եղել. Էլբակյան

1 շաբաթ առաջ գրել էի, որ աշխարհում 2 ուրույն սոցիալական խումբ կա, որ ատում է հայոց ինքնութենական կարևոր ատրիբուտները, այդ թվում՝ ՀՅԴ։ Խմբերից մեկն ադրբեջանցիներն են, իսկ մյուսը, ինչպես ճիշտ գուշակեցին ընկերներս, լևոնականները և վերջինիս գաղափարաբանական մետաստազը հանդիսացող դավաճանահայերը։ Այս մասին ֆեյսբուքյան իր էջում գրել է քաղաքագետ, տարածաշրջանային հարցերով փորձագետ Էդգար Էլբակյանը՝ կից հրապարակելով երգի տեսանյութ ադրբեջանցիների մասնակցությամբ։

Եթե տրվենք մաքուր գիտականությանը, ապա պետք է ֆիքսենք, որ ադրբեջանցիների կեղծ ակադեմիական և բանահյուսական եզրաբանության մեջ «(erməni) daşnak» նշանակում է ոչ այնքան սոսկ ՀՅԴ անդամ, այլ մի մարդ, որ իրենով մարմնավորում է հայոց ազգային-քաղաքական իրավունքների համար թյուրքական աշխարհի դեմ պայքարի ու հայոց հողահավաքի գաղափարները։ Հենց այս նույն ընկալման համար են ՀՅԴ-ին ատում նաև երկրի ներսում։

Այս տեսագրությունն արվել է նախքան վերջին պատերազմը՝ ի պատիվ Ջաբրայիլ անունով արցախյան առաջին պատերազմի մի ադրբեջանցի վետերանի։
Ay düşmənin sən gözündə ox kimisən, tir kimisən // Թշնամու աչքում նետի պես ես
Ay maşallah, görürəm kəramətli pir kimisən // Մաշալլահ, որ մեծահոգի վարպետի պես ես
Sən ki, Cəbrayıl əmi, bir qocaman şir kimisən // Ջաբրայիլ հոպար, դու մեծ առյուծի պես ես
Görsə, quyruq bulayar erməni daşnağı sənə // Քեզ որ տեսնի, պոչ կխաղացնի քո առաջ հայ դաշնակը…

Հ․Գ․ Մարդ չալարեր, ՊՆ-ից հարցում աներ, թե վերջին պատերազմին ՀԱԿ-ից ու Դավաճանական Պայմանագիր կուսակցությունից քանի նահատակ է եղել…