Նիկոլ Փաշինյանին չի հաջողվի լռեցնել ազատ խոսքը. «Մեդիա պաշտպան»

«Մեդիա պաշտպանը» հայտարարություն է տարածել երեկվա խուզարկությունների և ձերբակալությունների մասին.

«Քառյակ Մեդիա» մեդիա հոլդինգի համասեփականատեր Կարեն Բեքարյանը ձերբակալվել է հնարովի, կեղծ մեղադրանքով։

Նրա հետ մեկտեղ ԱԱԾ-ն բերման է ենթարկել ադրբեջանագետ Անժելա Էլիբեգովան, փաստաբան Գոհար Մելոյանը և այլք, ովքեր ակտիվ դիրքորոշումներ են ներկայացնում սոցիալական ցանցերում։ Իրականցվել են խուզարկություններ առանց դատարանի որոշման, փաստաբաններին երկար ժամանակ թույլ չեն տվել շփվել իրենց վստահյալների հետ, բոլոր գործընթացները իրականցվել են օրենքների աննախադեպ խախտումներով։

Սա խոսքի ազատության դեմ իշխանությունների ձեռնարկած ներկա արշավի հերթական քայլն է։ Ներկա փուլում սրան նախորդել էին անանուն աղբյուրներին հղում տալու արգելքը լրատվամիջոցների համար, ինչը հակասում է և հայստանյան օրենդրությանն ու եւ մեր վերցրած միջազգային պարտավորություններին։ E-draft.am-ում տեղադրվել է դատախազության առաջարկով հանրային ծառայության մեջ գտնվող անձին վիրավորելու կամ զրպարտելու մասին նոր օրենքը, որով սոսկալի տուգանքներից բացի, նաեւ ազատազրկում է նախատեսվում։

Իրեն ժողովրդավարության էտալոն հռչակած Նիկոլ Փաշինյանի իշխանությունն այնպիսի օրենքներ ու արարքներ է իրեն թույլ տալիս, որ ամենաավտորիտար պետություններն անգամ չէին ունենա այդպիսի լկտիություն միջազգային հանրությանն առաջ։ Նա համոզված է, որ Ազգային Ժողովի իրեն հլու մեծամասնությունը առանց հարցադրումների կդակի այս օրենքները։

Պատերազմում կրած խայտառակ պարտությունը, 5 հազար երիտասարդի մահը, 10 հազար քառ․կմ տարածքի կորուստը բացատրելու, դրա հետեւանքները վերացնելու փոխարեն Նիկոլ Փաշինյանի իշխանությունը փորձում է լռեցնել հանրային դժգոհությունը՝ սպառնալով տուգանքներով ու կալանքներով։

Ակտիվ հասարակությունը և մանավանդ լրագրողական համայնքը պարտավոր է դիմադրել իշխանությունների կամայականություններին և նրանից հաշիվ պահանջել այս կամայականությունների համար, և ցույց տալ որ պատերազմում կրած ծանրագույն կորուստների ու կապիտուլյացիայի համար Նիկոլ Փաշինյանի իշխանությունը պարտավոր է ստանձնել իր պատասխանատվությունը։

Նիկոլ Փաշինյանին չի հաջողվի լռեցնել ազատ խոսքը։

Ազատություն քաղբանտարկյալներին»։