Ամեն օր մի քիչ Հայաստան ենք կորցնում, Ձեզ դո՞ւր է գալիս այս վիճակը․ Շուշան Պետրոսյան

Երգչուհի, նախկին պատգամավոր Շուշան Պետրոսյանի համար այսօր ստեղծված վիճակն անհասկանալի է․ ֆեյսբուքով հեղաշրջում արվեց, ֆեյսբուքով էլ ուզում են մասնակցել հանրահավքների։

«Բոլոր այն մարդիկ, ովքեր դեմ են, այս հեղաշրջման հետևանքներից հետո, իրենց առաջին նախընտրությանը՝ ինչով որ մայիսին դուրս եկան հրապարակ: Սխալ է, այդպես չի լինում. այդպես նստած տանը՝ չի կարող փոխվել ինչ-որ բան, և երկիրը ծախածները չեն կարող իրենց աթոռներից պոկվել և հեռանալ»,-լրագրողների հետ զրույցում ասաց Շուշան Պետրոսյանը՝ հավելելով, որ ամեն օր մի քիչ Հայաստան ենք կորցնում։

Փետրվարի 20-ի՝ «Հայրենիքի փրկության շարժման» մեծ հանրահավաքին ընդառաջ՝ կոչի փոխարեն՝ Շուշան Պետրոսյանը հարց է ուղղում հանրությանը.

«Ձեզ դո՞ւր է գալիս այս վիճակը, այս անարժանապատիվ վիճակը, որ միշտ հաղթանակած ենք եղել, երկու պատերազմ հաղթած, հաղթած սերունդը՝ մենք, որ օրինակ էինք՝ բոլոր խնդիրներով ծառացած, բայց մենք ունեինք կանոնավոր բանակ, որն այսօր լուծարում են, որովհետև իրենց համար կարևոր չէ բանակ ունենալը»,-ասաց Պետրոսյանը:

Նա նկատում է, որ այսօր խեղում են ծրագիրը դպրոցական, եկեղեցին, որը միշտ եղել է, երբ պետականություն չենք ունեցել նույնիսկ, եկեղեցի ենք ունեցել, քարկոծում են եկեղեցին. էս ովքե՞ր են սրանք, ի՞նչ կապ ունեն ինձ հետ, ի՞նչ կապ ունեն այդ արարածները մեզ հետ, մեր երկրի հետ:

«Իրենք օտար են, որովհետև որևէ բնիկ նման կերպ չի կարող վարվել, կամ պիտի Հուդա լինես, որ 30 արծաթով ծախես երկիրը, կամ պիտի լինես օտար:

Եթե օտար չեն, սարսափելի մեղքի տակ են, 5000-ից ավել զոհ, երեխեքի արյունն է իրենց ձեռքերին, բոլորի, ոչ միայն մարդիկ, ովքեր հասցրին այս ամեն ինչը այդ վերջաբանին, այլ մարդիկ, ովքեր աջակցում են այդ ամենին, բոլորը անխտիր, ովքեր աջակցում են այսօրվա իշխանությանը, մասնակիցն են այդ երեխաների կոտորածին»: