Նախարարները խռովելու փոխարեն, թող գործ անեն. Գ. Մակարյան (տեսանյութ)

«2016 թ-ի բյուջեն ավելի շատ իրավիճակի պահպանման, պասիվ բյուջե է, բավականին սոցիալական խնդիրներ կան բիզնեսի հետ կապված, հարկերի հավաքման և պետության կարևորագույն ոլորտներում գործառույթները կատարելու առումով: Ցավոք սրտի, մեծ զարգացումներ չկան»,- newspress.am-ի հետ զրույցում ասաց Գործատուների միության նախագահ Գագիկ Մակարյանը ` հավելելով, որ մտահոգիչ է դեֆիցիտի ավելացումը:

Գագիկ Մակարյանի խոսքով` անհրրժեշտ է, որպեսզի կառավարությունը մի կողմ դնի սահմանադրական փոփոխությունների հետ կապված հարցերը և լծվի տնտեսությունը առողջացնելու գործին: Ինչպես նաև անհրաժեշտ է, որպեսզի արդյունավետ պայքար մղվի կոռուպցիայի, մենաշնորհների դեմ:

Ըստ նրա` առաջինը պետք է վերանայվի ՀՀ վարչապետի նախագահությամբ գործող կոռուպցիայի դեմ պայքարի խորհրդի կազմը: Այստեղ շահերի բախումներ կան, պետք է բարելավվի ներդրումային միջավայրը, միջազգային կոնվեցիաներ վավերացվեն և գործի դրվեն, ինչպես նաև պետք է համագործակցել մասնավոր սեկտորի հետ: Մակարյանի ներկայացմամբ` կարևորգույն հարցերից նաև այն է, որ կառավարության բոլոր անդամները փոխհամագործակցեն. «որոշ նախարարություններ խռոված կեցվածք են ընդունել, ես ուզում եմ մի անգամ էլ ասեմ` իրենք նախարար են ՀՀ -ում, դա ոչ իրենց սեփական օֆիսն է, ոչ էլ իրենց սեփական տարածքը, պետք է ունենան բարձր գիտակցություն, և իրենք ոչ թե պետք է որոշեն ում հետ համագործակցեն, ումից խռովեն-չխռովեն, կամ ում հրավիրեն քննարկման, որ իրենց կոմպլիմենտ անեն, հաճելի լինի:  Այդպես չպետք է լինի, պետք է պատրաստ լինեն քննադտություն լսելուն»,-մանրամասնեց Մակարյանը:

Նա նաև ասաց, որ Հովիկ Աբրահամյանը պետք է այնպես անի, որ նախարարները հասկանան` իրենց անելիքը որն է:

Մանրամասները` տեսանյութում