Գլխավոր շտաբի նախկին պետը գլուխը պատին է տալիս. Ասա-Ակայով Բայրաքթար չեն խփում. Հրանտ Բագրատյան (տեսանյութ)

ՀՀ նախկին վարչապետ Հրանտ Բագրատյանը կասկածներ ունի, որ Ադրբեջանը ՀՀ-ից տարածքներ է խլում։ Նրա խոսքով Սյունիքից մինչև Տավուշ Ալիևը 2500 քառ․ կմ կտոր-կտոր վերցնելու է, որ հետո որոշի՝ Ղարաբաղին ինչ կարգավիճակ տա։ Ես կարծում եմ, որ գոյություն ունի այդպիսի հանցավոր գործարք։

«Ամբողջ ճանապարհը հայկական է, բայց ադրբեջանցիները տեղ-տեղ անցել են, խորացել են մեր տարածք, վերցրել են Գորիս-Դավիթ Բեկ, Կապան-Ճակատեն ճանապարհները»,-Երևանի Ազատության հրապարակում «Հայրենիքի փրկության շարժման» հավաք-քննարկումից առաջ լրագրողների հետ զրույցում նկատեց Բագրատյանը։

Անդրադառնալով պատերազմից ամիսներ առաջ արված իր հայտարարությանը, որ եթե լիներ Ադրբեջանի նախագահ Իլհամ Ալիևի փոխարեն, կհարձակվեր ՀՀ-ի վրա, Բագրատյանն ասաց․ «Հունվարին ասում էի՝ Ադրբեջանը հարձակվում է, մարտին հարցնում էի՝ ԱԹՍ-ների դեմ ի՞նչ եք անելու, պարզ էր, որ մինչև հոկտեմբեր հարձակվելու են, ասել էի՝ 4 ամիս հետո Ադրբեջանը կհարձակվի, հարձակվեց 3 ամիս 27 օր հետո, ինձ պետք է դրա համար շնորհակալություն հայտնեն։ Ադրբեջանը 2020-ի մայիս-հունիսին սկսել էր «Բայրաքթարներ» առնել»,- նշեց նա։

Դիտարկմանը, թե իշխանությունը սահմանազատումների համար առաջ է աշում GPS համակարգը՝ անտեսելով իշախանության գործոնը, Բագրատյանն ընդգծեց, թե դա անընդունելի է․ «Սահմանները որոշվում են դելիմիտացիայի և դեմարկացիայի արդյունքում, դելիմիտացիա արված է, դեմարկացիա չկա․ որպես հիմք ընդունվում են, օրինակ, ռազմական քարտեզները։ Եթե մեկն ասում է՝ ՀՀ սահմանները որոշված չեն, ուրեմն՝ ՀՀ չկա, եթե որոշված սահման չկա, ուրեմն՝ երկիր չկա»,- նշեց նա՝ անդրադառնալով նաև իշխանության այն պնդմանը, թե ՀՀ սահմանների որոշման գործընթաց չի եղել։

Հրանտ Բագրատյանը նաև հավելեց՝ համաձայն Սահմանադրության՝ ՀՀ տարածքային ամբողջականության երաշխավորը երկրի նախագահն է, մինչդեռ վերջինս նոյեմբերի 10-ի հայտարարության մասին, իր խոսքով, տեղեկացել էր մամուլից։

Մանրամասները՝ տեսանյութում։