Որդուս մասին 113–րդ օրն է՝ լուր չունեմ, 282 գերի ունենք. անհետ կորածների մասին ծնողներն իրենց ուժերով են տեղեկություն հավաքում. VIDEO

առավարությունը ոչ մի բան չի ձեռնարկում, ինչ էլ որ արվել է այս ծնողների ջանքերի շնորհիվ է արվել։ Օրինակ, գերիների տվյալները ծնողներս ենք իմացել։ Մենք տվյալներ ունենք, որ 282 հաստատված գերի ունենք։ Այս մասին այսօր՝ փետրվարի 11–ին, Կառավարության դիմաց լրագրողների հետ զրույցում ասաց անհետ կորածի մայրը։

«Մեր ակցիայի պահանջն այն է, որ գոնե ՄԻԵԴ–ը դա հաստատի, որ կարողանանք հետ բերել մեր երեխաներին։ Այդ մասով ոչ մի աշխատանք չի կատարվում»,– նշեց նա։

Հարցին, թե որտեղի՞ց են գերիների թվի վերաբերյալ տվյալները, կինն ասաց, որ ադրբեջանական կայքերում եւ սոցցանցերում տարածված տեսանյութերն են ուսումնասիրել եւ նման եզրակացության եկել։

«Կոնկրետ իմ տղան նկարի մեջ չի երեւում, բայց հարսս կարողացել է նկարներով հագուստից համեմատելով հասկանալ, որ դա իմ տղան է։ Հասկանո՞ւմ եք, թե ինչ աշխատանքներ են կատարվել մեր կողմից, իսկ ղեկավարությունը մեզ հանգստացնում է, որտեղ գնում ես, ասում են՝ աշխատանքներ են կատարվում, բայց աշխատանքը ո՞րն է, երբ որդուս մասին արդեդ 113–րդ օրն է լուր չունեմ»,– ասաց անհետ կորածի մայրը։