Ո՞վ էր Պատրոն Դավոյին այդքան դուխ տվել՝ պետության վրա զենքի անվան տակ միլիոնավոր դոլարների խոտան վաճառելու

ԱԱԾ-ն ձերբակալել է Դավիթ Գալստյանին՝ Պատրոն Դավոյին, քանի որ նա բանակին  հին արտադրության չկրակող մարտկոցներ մատակարարելու խաբեությամբ 1 մլն․ դոլար է հափշտակել...

Անկեղծ ասած, այն, որ NEWSPRESS.am-ը Պատրոն Դավոյի արկածներին վաղուց է անդրադարձել՝ ներկայացնելով, թե ինչպես օրինակ Պատրոն Դավիթը թուրքերին 10 մլն 500 հազար փամփուշտ է վաճառել, որը ՀՀ բանակի առնվազն 10 տարվա պաշարն է կազմում, հրապարակել ենք, որ մեզ հասած տեղեկություններով՝ Դավիթ Տոնոյանը, ՊՆ փոխնախարարն ու «Պատրոն Դավոն» զենք են վաճառել Սիրիայի թուրքամետ ահաբեկիչներին, անդրադարձել է խնդրին, թե ինչ գործ ուներ Պաշտպանության նախարար Դավիթ Տոնոյանը «Պատրոն Դավիթի» հետ ու ներկայացրել ենք նմանատիպ հրապարակումների մի շարք, որը, չգիտես ինչու, այն ժամանակ չարժանացավ ԱԱԾ-ի ուշադրությանը, մինչդեռ դա հնչեցված ահազանգ էր․․․

Ինչևէ․․․ այսօր արդեն ԱԱԾ-ում սթափվել ու հասկացել են, որ մեր չկրակող զենքի ու պարտության մեղավորը Պատրոն Դավոն է ու ձերբակալել են նրան։ Ավելի ճիշտ՝ ԱԱԾ-ն վերջին 2,5 տարվա ընթացքում իրեն վերագրված հատուկ դերի մեջ՝ ձերբակալության շոու են բեմականացրել․․․

Նախ, գումարը՝ 1 մլն․ դոլարը, որի հափշտակման մեջ մեղադրվում է Պատրոն Դավոն՝ պարզապես ծիծաղելի է․․․ դասականը կասեր՝ ձե՞ռ եք առնում տղերք, ի՞նչ 1 մլն․․․ իսկապե՞ս մտածում եք, որ այդքան զենքերի առք ու վաճառքի մեջ ընդամենը 1 մլն շահ է ունեցել նա, գուցե 0-նե՞ր ավելացնեիք․․․

Հավանաբար շոուի կազմակերպիչները մտածել են, որ մի քիչ շատ գումարի հափշտակման մեջ մեղադրելը կարող է  «պերեբոռ» լինել ու հետո իրենք չկարողանան տակից դուրս գալ՝ նրան ազատելու համար։ Նույնիսկ կարելի է պատկերացնել նրա հանցակիցների ու Դավոյի խոսակցությունը․․

«Ապե, դե էսքան խոսակցություն եղավ, շուխուր արին, արի մի միլիոն վրեդ գրենք, մեկ կամ երկու ամիս կնստես, կամ էդքան էլ չէ՝ փող կխաղացնես, գրավով ազատ կարձակեն, դե հետո էլ՝ ով ա հիշելու ինչ ա լինելու․․․»։

Այն, որ Դավոն շատ արագ լուծելու է հարցերն ու ազատ արձակվի՝ կասկած չի կարող լինել՝ զավեշտալի գումարի չափը վկա․․․

Բացի այդ, այստեղ կա նաև ուրիշ հարց․․․ Պատրոն Դավոն միայնակ չի գործել։ Այն, որ նա մատակարարել է Հայաստանին ցածրորակ զենքով, հնարավոր է չհասկանային միայն շարքային քաղաքացիները, բայց մասնագետներն ու առավել ևս այն ղեկավարները, ովքեր ոլորտի թիվ մեկ պատասխանատուներն են, հաստատ տեղյակ կլինեին։

Ու այստեղ մեծ հարցականով հարցադրում է առաջ գալիս՝ ինչու Պատրոն Դավոն ձերբակալվեց, իսկ օրինակ Արտակ Դավթյանը, նրան հաջորդած Օնիկ Գասպարյանն ու գլխավոր հրամանատարներ Դավիթ Տոնոյանը և վարչապետ Նիկոլ Փաշինյանը՝ չձերբակալվեցին։

Ի՞նչ է, նրանք տեղյակ չէին, թե ինչ զիբիլ են տրամադրել բանակին․․․ Որտեղի՞ց Պատրոն Դավոյին այդքան դուխ, որ նա զենքի անվան տակ միլիոնավոր դոլարների խոտան վաճառել պետության վրա։

Փաշինյանը սեղմում է նրա ձեռքը, Տոնոյանը նրա հետ գործարք է անում, մյուսները՝ հավանության են արժանացնում, որ ձևական 1 մլն դոլորի հափշտակո՞ւմ  են ձևակերպում նրա վրա։

Թե ինչու մեր անորակ զենքի ու պարտության համար քավության նոխազ ընտրվեց հենց Պատրոն Դավոն՝ կարելի է ենթադրել․․․ օդից կախված լուրերի համաձայն էլ՝ Տոնոյան Դավիթն ու Գասպարյան Օնիկը զգուշացրել են՝ եթե ձեռքերը երկարեն դեպի իրենց, ապա այնպես կբացեն իրենց բերանը, որ քիչ չի թվա․․․