Տիգրան Մուկուչյանին «քցո՞ւմ են». «Չորրորդ իշխանություն»

«Չորրորդ իշխանություն» թերթը գրում է. «ԱԺ ՀՀԿ խմբակցության ղեկավար Վահրամ Բաղդասարյանը հայտարարել է, որ Կենտրոնական ընտրական հանձնաժողովի նախագահ Տիգրան Մուկուչյանը թվանկարչությամբ չի զբաղվել, որովհետեւ հանրաքվեի արդյունքը «եղել է այնպես, որ նա անելիք չի ունեցել»:

«ՉԻ» – Սա, իհարկե, շատ լուրջ խոստովանություն է: Փաստորեն՝ եթե հանրաքվեի արդյունքներում ինչ-որ բան «այնպես» չլիներ, Տիգրան Մուկուչյանն «անելիք» կունենար, բայց քանի որ ամեն ինչ նորմալ է եղել՝ նա գործել է «օրենքի սահմանված կարգով»:

Բայց խնդիրն, իհարկե, Վահրամ Բաղդասարյանի խոստովանությունը չէ: Բանն այն է, որ նրա հայտարարությունը կարող է լրջորեն մտահոգել Տիգրան Մուկուչյանին: Փաստորեն նրան «նամիկատ են անում», որ նա անելիք չի ունեցել, հետեւաբար՝ կարող է զրկվել թվանկարչության համար նախատեսված լուրջ պարգեւատրումից: Ուստի, կարծում ենք, պարոն Մուկուչյանը պետք է անհապաղ հանդես գա հերքումով եւ կոնկրետ փաստերով ապացուցի, որ լավ էլ «զասլուժիտ է արել» պարգեւատրումը:

Հակառակ դեպքում կստացվի, որ իրեն «քցում են»: Համենայնդեպս՝ Վահրամ Բաղդասարյանի հայտարարությունը վկայում է այդ գործընթացի մեկնարկի մասին»:

Առավել մանրամասն՝ թերթի այսօրվա համարում