Ալիևի հետ հաց կիսելով՝ Փաշինյանն արդարացնում հայ ծերունուն գլխատելու և հայ գերիներին դաժանաբար խոշտանգելու գործողությունները. Մելոյան

Սահմանադրագետ Գոհար Մելոյանը ֆեյսբուքյան իր էջում գրել է.

«Դարի Նեռը տոնում է հայոց ողբերգությունը: Այն պահին, երբ մեր հարուրավոր հայրենակիցներ գտնվում են գերության մեջ, անհայտ են հարուրավոր անձանց ճակատագրեր, դեռ տաք են հազարավոր նահատակված հերոսների դիակները, հայ ժողովուրդն ապրում է վերջին հարյուր տարվա մեծագույն ողբերգությունը, հայ ժողովրդի կապիտուլյացիայի առաջին պատասխանատու և մեղավոր Հայաստանի վարչապետը Մոսկվայում ճաշում է այն անձի հետ, ով՝ աշխարհում հայատյացության սերմանողն է,հայերի բնաջնջման հիմնական քարոզիչն է,

Սմերչ և Գրադ կայաններով, ֆոսֆորային արգելված ռումբերով ռմկակոծել է խաղաղ բնակչությանը, հայաթափել է երկու հազար տարուց ավել հայերի կողմից բնակեցված տարածքները՝ ըստ էության ցեղասպանելով հայ ժողովրդին։

Ավելին՝ այդ անձը հիմա էլ բացեիբաց հայտարարում է Երևանի, Սյունիքի և Սևանա լճի նկատմամբ իր տարածքային նկրտումների մասին։

Ավելորդ է անգամ հիշեցնել անձնապես Փաշինյանին ուղղված Ալիևի նվաստացուցիչ խոսքերը և գործողությունները։

Ալիևի հետ հաց կիսելով՝ Փաշինյանը հրապարակայնորեն մաքրում է վերջինիս ցեղասպանի և ագրեսորի պիտակից, արդարացնում հայ ծերունուն գլխատելու և հայ գերիներին դաժանաբար խոշտանգելու գործողությունները, որոնք ամենայն հավանականությամբ կարող են կրկնվել յուրաքանչյուր օր։

Հիշեցնեմ, թշնամին չի հանդարտվում՝ փետրվարի սկզբին Կարսում նախատեսվում են թուրքա-ադրբեջանական զորամիավորումների համատեղ մեծ զորավարժություններ»։