Պարոն ՊՆ պաշտոնյա, «դուխդ կհերիքե՞ր» նույն ուժով Կապան ներխուժած թուրքի ձեռքից խլել տեսախցիկն ու գոռալ վրան, թե՞ թուրքի համար եք աշխատում․ VIDEO

Այսօր՝ հունվարի 9-ին, Վազգեն Սարգսյանի անվան ռազմական համալսարանի մոտ միջադեպ է եղել։ ՊՆ պաշտոնյան օպերատորներին հորդորել է անջատել ուղիղ եթերը և սպառնացել։ Նա անգամ փորձեց խլել օպերատորներից մեկի տեսախցիկը, երբ վերջինս ասաց, որ չի կարող այդ պահին անջատել։ ՊՆ պաշտոնյան գոռաց՝ «Ձենդ կտրի, արա՛», իսկ երբ օպերատորն իր հերթին հակադարձեց՝ հորդորելով տոնը չբարձրացնել՝ ՊՆ պաշտոնյան ասաց․ «թուրքի համա՞ր ես աշխատում»․․․ և ընդհանրապես, նա հատ-հատ բոլորին հարցրեց՝ «դու թուրի համա՞ր ես աշխատում, դու թուրքի համա՞ր ես աշխատում․․․»

Հիմա նույն հարցը կցանկանայի ուղղել այդ ՊՆ պաշտոնյանին․

Պաշտպանության նախարարությունը 44 օր թուրքի համա՞ր էր աշխատում, որ ամեն օր ասում էիք, թե հաղթում ենք․․․ թուրքի հաղթանակի մասի՞ն էիք խոսում․․

ՊՆ-ն թուրքի համա՞ր էիք աշխատում, երբ ՊՆ պահեստներում «թթու եք դնում» արտերկրից զինվորների ուղարկված հումանիտար ապրանքները, երբ մեր զինվորներին այդ ամենը օդ ու ջրի պես պետք էր․․․

ՊՆ-ն թուրքի համա՞ր էր աշխատում, երբ ՊՆ-ին խնդրում են մաքսակետում երաշխավորեն զինվորական բուշլատներ անցկացնելու համար, բայց ՊՆ-ի տաքուկ աշխատասենյակում նստած ոմն ՊՆ ներկայացուցիչ, ասում է, թե բուշլատներ պետք չեն զինվորներն, ցուրտ չի․․․

ՊՆ-ն թուրքի համա՞ր էր աշխատում, երբ ՊՆ նախարարին Սյունիքի դիրքերերից խնդրում են զինվորական ուժ ուղարկել՝ ադրբեջանցիների դեմ կռվելու, բայց նրանց ասում են, թե մեզնից օգնություն չսպասեք, ինչ ուզում եք՝ արեք․․․

ՊՆ-ն թուրքի համա՞ր էր աշխատում, երբ հենց նախօրեին ավտոբուսներով զինվորներին տարել էիք թուրքի փայ դարձնեք՝ իմանալով, որ պայմանագիր կա ստորագրված, որը թույլ չի տալիս զինվորականներ տանել Արցախ ու շատ հնարավոր էր թուրքերը գերի վերցնեին տղերքին․․․

Ի՞նչ է, թուրքի համա՞ր եք աշխատում, որ մեր զինվորներին գերի էիք ուզում տանել․․․

ՊՆ-ն թուրքի համա՞ր է աշխատում, որ ձեռքերը լվացել է սահմանապահներից ու թուրքին հանձնած համայնքերից, և իրենց փոխարեն քաղաքացիներն են գնում բանակցելու թուրերի հետ․․․ ի՞նչ է, թուրքի մոտ վատամա՞րդ չեք ուզում դուրս գալ, թե վախենում եք․․․

ՊՆ-ն, ԱԱԾ-ն ու մյուս ուժայինները թուրքի համա՞ր է աշխատում, երբ Կապանում այդ ձեր նշած թուրքը անարգել նկարահանումներ էր անում ու շփվում յուրայինների հետ՝ վերջիններիս խոստանալով լինել, որ շուտով Երևան են հասնելու․․

Բա ինչո՞ւ չգնացիք, չբացահայտեցիք, բերման չենթարկեցիք այդ թուրքին ու իրական թուրքի համար աշխատողին, ինչի՞ այդ նույն տեսախցիկը չխլեցիք ձեռքից ու համապատասխան վայրը չմտցրեցիք․․․

Ինչպես ռուսը կասեր՝ слабо?

Ի՞նչ է, «դուխներդ» միայն յուրայինների վրա է հերիքում, թե՞ իսկապես թուրքի համար եք աշխատում․․․

Հետաքրքիր է ինչո՞ւ է նեղսրտում կամ վախենում ՊՆ պաշտոնյան, երբ լրատվամիջոցները պարզապես լուսաբանում են տեղի ունեածը․․․

Եթե ինչ-որ բան նորմալ չէ և ամչում եք թուրքից, ապա պետք է ոչ թե ջայլամի քաղաքականություն վարել ու գլուխը խրել հողի մեջ՝ չերևալու համար, այլ պետք է հարցին լուծում տալ՝ տեսախցիկներց խուսափելու փոխարեն․․․

Ու ցանկացած լրագրողի կամ օպերատորի վրա գոռալուց ու հրամաններ տալուց առաջ, ավելի լավ է մտածեք վերոհիշյալ ու դրանց նման էլի շատ հարցերի շուրջ, որպեսզի թուրքը չմտածի, թե ինքն է տերը Հայաստանում․․․

Արմինե Մկրտումյան