Կիջնի ջրի հատակը՝ մինչև անցնի վտանգը կամ ինքնամեկուսացում՝ ճիշտ ժամանակին

Ասում են՝ կորոնավիրուսային համաճարակը պատուհաս էր մարդկանց գլխին․․․ ես այնքան էլ համամաիտ չեմ՝ ոմանց համար այն ունի նաև իր դրական կողմը․․․

Հետաքրքիր զուգադիպությամբ բոլոր պաշտոնայներն ու հայտնի մարդիկ կորոնավիրուսով վարակվում կամ համաճարակով պայմանավորված ինքնամեկուսանում են հենց այն ժամանակ, երբ պետք է մասնակցեն որևէ վճռորոշ հանդիպման կամ իրադարձության․․․

Եվ այսպես, օրվա հերոսը վարչապետ Նիկոլ Փաշինյանն է։ Նա, համաճարակով պայմանավորված, իննամեկուսացել է։

Ենթադրվում է, որ Փաշինյանի ինքամեկուսացումը չի լինի պակաս, քան 7 օրը․․․ այսինքն՝ ճիշտ այնքան ժամանակ, որքան նրան հարկավոր է՝ Սուրբ Ծննդյան օրվա առիթով ժողովրդի հետ առերեսվելուց խուսափելու համար (որպեսզի հերթական անգամ չզգա մարդկանց ատելությունն իր նկատմամբ) և ճիշտ այնքան, որքան հարկավոր է հունվարի 11-ին ՌԴ չմեկնելու և նախագահ Վլադիմիր Պուտինին չհանդիպելու համար։

Մեկ տողով ասած՝ տակտիկական նահանջ պատասխանատվոությունից․․․

Եթե այդպես չէ և Փաշինյան Նիկոլն իսկապես այնքան զգույշ է, որ որոշել է համաճարակով պայմանավորված ինքնամեկուսանալ՝ ավելորդ զարգացումներից խուսափելու համար, ապա պետք է նկատենք, որ այս համաճարակը, ոչ երեկ ու ոչ էլ առաջին օրն է սկսվել։ Այն շարունակվում է մեկ տարի արդեն, ու Փաշինյանը, հայտարարելով համաճարակի 2-րդ փուլի մասին, անտեսեց կորոնավիրուսի վարակման վտանգն ու դեկտեմբերի 19-ին՝ հայտարարված համազգային սգո օրը, տարբեր մարզերից ավտոբուսներով բերեց ու հավաքեց մարդկանց՝ որպեսզի իրեն օգնեն Եռաբլուրում ճեղքել իր դեմ գոյացած մարդկանց պատը․․․ 

Այդ ժամանակ ևս համաճարակ էր, սակայն վստահաբար կարող ենք հայտարարել, որ չնայած բախումներին ու հոծ բազմությանը, Փաշինյանը հետո չի անհանգստացել ոչ մեկի մասին ու չի հետաքրքվել նրանց ճակատագրով, թե  քանի՞ մարդ վարակվեց այդ օրը՝ միայն իր համար «ՃԵՂՔ» բացելու համար․․․

Հիմա նա մեկուսացել է․․․․ մեկուսացել է ճիշտ այնպես, ինչպես մայիսին մեկուսացավ՝ պայմանավորված Մոսկվա կատարելիք այցով․․․

Այն ժամանակ նա պետք է մեկներ Մոսկվա՝ մասնակցելու Հայրենական Մեծ պատերազմի 75-րդ տարեդարձին նվիրված միջոցառումներին և քննարկելու դաշնաից պետության հետ կապված տնտեսաքաղաքական որոշ խնդիրներ։

Սակայն Փաշիյանը կորոնավիրուսով վարակվեց և չմեկնեց Մոսկվա։ Այդ մասին նա նամակով տեղեկացրեց նաև Պուտինին․

«Ինչպես գիտեք, ես մեծ սիրով ընդունել էի հանդիսավոր արարողություններին մասնակցելու Ձեր հրավերը: Սակայն, ինչպես հետագայում պարզվեց, գոյություն ունեցող համաճարակային իրավիճակը թույլ չի տալիս ինձ իրականացնել այդ ուղևորությունը: Ելնելով դրանից՝ ես որոշեցի ձեռնպահ մնալ Մոսկվա կատարելիք իմ այցից, ինչը, ինչպես տեղյակ եք, մանրամասն քննարկվել և համաձայնեցվել է մեր աշխատակազմերի միջև»։

Փաշինյանի «կորոնովիրուսով վարակված» ընտանիքի ինկուբացիոն շրջանը 14 օրվա փոխարեն 4-5 օր տևեց․․․ 

Հայտնի չէ, թե որքան կտևի ինքամեկուսացումը, բայց ակնհայտ է, որ այս անգամ էլ Փաշիյանն ինքամեկուսացել է ոչ թե համաճարակից, այլ իրեն սպասվող տհաճ անակնկալներից․․․ հատկապես, երբ որոշ լուրերի համաձայն, այդ Մոսկվա կայանալիք ացից հետո հնարավոր է նա հրաժեշտ տա իր աթոռին․․․

Այնպես որ, Փաշինյանը կիջնի ջրի հատակը՝ մինչև անցնի վտանգը․․․ 

NEWSPRESS.am