Ապերախտ իշխանության տեռորը՝ ԶԼՄ-ների դեմ․ բացառություն են ֆավորիտները՝ այդ թվում «Ազատություն» ռադիոկայանը և Հ1-ը

Դեռ նախորդ տարվա վերջին, Նիկոլ Փաշինյանի Սյունիք կատարած այցելության ժամանակ, նրա կուսակիցներից ոմանք շան հավատարմություն ցուցաբերեցին տիրոջը։ Մասնավորապես ՀՀ Քաղաքաշինության, տեխնիկական և հրդեհային անվտանգության տեսչական մարմնի ԱՆԴԱՄ Արսեն Ավագյանըն աչքի ընկավ Նիկոլին եկեղեցուց դուրս վռնդած քահանայի դեմ բողոքի ակցիա կազմակերպելով։

Չենք կարող հստակ ասել, թե այդ նրա հետևից ընկած ու շարքով դեպի եկեղեցի գնացող մարդկանցից քանիսն էին գիտակցում, որ դեմ են դուրս գալիս ազգային դավանանքին, կրոնին ու եկեղեցուն, բայց Արսենին հաջողվել էր համազել մարդկանց մի զանգվածի ու տանել նրանց եկեղեցի՝ իր տիրոջ մհաճույքը կատարելու համար։ Ամբոխի վերածված զանգվածն այդ օրը երևի չհասկացավ նույնիսկ, որ իրեն օգտագործում են և հոժարակամ ՕԳՏԱԳՈՐԾՎԵՑ․․․

Որոշ տեղեկություններով, այս հակաքրիստոնեական ակցիայից հետո իբր ծառայողական քննություն է սկսվել Արսեն Ավագյանի նկատմամբ՝ քահանային եկեղեցուց դուրս շպրտելու կոչի համար, սակայն կարծես թե քննությունը նպատակին չի հասել։

Համենայնդեպս այժմ էլ նույն իշխանական կլանը ներկայացնող Արսենն ու իշխանության էլի մի քանի ԱՆԴԱՄՆԵՐ, տեռոր են սկսել լրատվամիջոցների դեմ․․․ Իշխանական այս մանկլավիկը կոչ է արել չհավատալ իր ֆեյսբուքյան էջում, իր իսկ կոտրած ձեռքով նշված լրատվամիջոցներին․․․ նկատենք, որ նրա էջում նշված են բոլոր լրատվամիջոցները՝ բացառությամբ իշխանության կողմից ստեղված մի քանի կայքերի ու իշխանությանը գովաբանող «Ազատություն» ռադիոկայանի  և Հանրային հեռուստաընկեության՝ Հ1 հեռուստաընկերության անունները․․․

Հնարավոր է իշխանական «արքունիքում» ԶԼՄ-ների դեմ պայքարի միտքը ավելի հստակ ձևավորվել է այն բանից հետո, երբ Նիկոլի Ամանորի ուղերձը որոշ լրատվամիջոցներ չցուցադրեցին․․․

Ինչևէ․․․ Արսենի նախաձեռնած այս ակցիան, ժանտախտի նման անցել է փաշինյանական մյուս ներկայացուցիչներին ու մանկլավիկներին, ովեր իրենց սրբագույն պարտքն են համարել կոչ հանել քաղաքացիներին «մերժելի» ցանկում ընդգրկված լրատվականներին։

Հարկ է նկատել, որ շատերն իրենք են ավելացնում մեկնաբանություններում նոր լրատվականների անուններ՝ հուշելով, որ դրանց ևս ընդգրկեն մերժվածների շարքում, բայց իշխանությանը վարդագույն վարագույրների ու ակնոցների միջից ներկայացնող ԶԼՄ-ների մասին՝ ոչ մի խոսք ու ակնարկ․․․

Մնում է հիշեցնել ապերախտ իշխանությանը, որ նաև այդ ԶԼՄ-ներն օգնեցին իրենց գալ իշխանության, անի որ վերջիններիս շնորհիվ էր տարածվում նրանց ակցիաները, որոնք ոգևորրցին մարդկանց ու հանեցին փողոց․ էլ չենք խոսում՝ սփյուռքահայությանը ոգևորող տեսանյութերի, հոդվածների ու ռեպորտաժների մասին․․․