Վրանների թեման շահարկելը՝ պղտոր ջրում ձուկ որսալ է

Նիկոլ Փաշինյանի հրաժարականը պահանջողների կողմից Հանրապետության Հրապարակում վրանները տեղադրելուց հետո չեն դադարում գրառումներն ու մեկնաբանությունները, թե այդ վրանները բերեք սահման․․․

Հիմա այդպիսի մի գրառման մասին․

Մեկը, ով ինձ անձնական նամակով կիսամուննաթ տոնով գրել էր, թե այդ վրաններն ավելի հարկավոր են իրենց՝ սահմանում, ոչ թե հրապարակում (կա նամագարություն), անմիջապես արձագանքեցի և պատրաստակամություն հայտնեցի տվյալները փոխանցել կոնկրետ զինվորականների, ովքեր պատերազմի առաջին օրերից ֆուռերով օգնություն են ուղարկում սահման ու այսօր էլ դեռ շարունակում են զբաղվել սահմանի տղերքին անհրաժեշտ իրերով ապահովելու հարցով։

Իմ պատրաստակամությունից այս երիտասարդի տոնը փոխվեց ու պարզվեց, որ իրենց ոչ մի բան պետք չէ․ «զենք բան, ամեն ինչ ունենք, փառ Աստծո»,-գրեց երիտասարդը և հավելեց, որ միայն մի սարք է անհրաժեշտ։

Ինչ վերաբերվում է կոնկրետ վրաններին, ապա շատ կարևոր է նկատել, որ այդ վրաններով զինվորներին պետք է ապահովեր կառավարությունը, որն առայժմ իր իշխանությունն է պահում՝ իրեն շրջապատելով ոստիկաններով, զինվորականներով ու հատուկ ջոկատայիններով, ովքեր, հենց իշխանության ղեկավարի կողմից այդքան շահարկվող սահմանը թողել ու եկել են իր աթոռն են պահել։

Դա մի կողմից, մյուս կողմից էլ NEWSPRESS.am-ն ավելի վաղ անդրադարձել է խնդրին, որ սփյուռքահայերի ուղարկած օժանդակությունը ՊՆ նկուղներից ամբողջությամբ սահման չի հասել․․․

Հարկ է նկատել, որ ՊՆ նկուղներում մնացած ապրանքների մեջ եղել են նաև հատուկ կտորից պատրաստված, այսպես կոչված, ջրակայուն վրաններ (այս վրաններում կարելի է քնել առանց քնապարկերի, քանի որ դրանք գետնի խոնավությունն իրենց մեջ չեն քաշում)։ Հարյուրավոր նման վրաններ ուղարկվել են Հայաստան, որոնց մի մասը մնացել է ՊՆ նկուղներում, մի մասը՝ ԱԻՆ-ում, մյուս մասն էլ ՔՊ-ական մարզպետների անձնական պահեստներում․․․ 

Հիշեցնենք, որ նմանատիպ հումանիտար օգնություն էլ Լոռու արդեն նախկին մարզպետի նկուղում են հայտնաբերել։

Այս ապրանքների մի մասն էլ, չգիտես ինչ ճանապարհով, հայտնվել է վաճառքում․․․

Այնպես որ, բոլոր դաշտ նետված հայտարարությունները, որոնք կապված են վրանների հետ և ուղղված են Նիկոլ Փաշինյանի հրաժարականը պահանջող քաղաքացիների դեմ, ոչ այլ ինչ է, եթե ոչ պղտոր ջրում ձուկ որսալ։

Այս հակաքարոզչությունը կրում է մոնիպուլյացիոն բնույթ և ոչ այլ ինչ է, քան հիմնական խնդրից քաղաքացիների ուշադրությունը շեղող միջոց․․․

NEWSPRESS.am