Սյունեցին այսօր մի հատ մեծ դաս տվեց, թե ոնց ա պետք անցը կկացնել. Նարեկ Մալյան

Ես տեղեկություններ ունեմ, որ ոստիկանության աշխատողների շրջանում ևս այսօր եղել են լուրջ դժգոհություններ, և ոստիկանությունից է եկել այդ սիգնալը դեպքի քաղաքական իշխանություն, որ ցանկություն չկա ժողովրդի դեմ դուրս գալու: Այդ մասին այսօր լրագրողների հետ ճեպազրույցում ասաց ՎԵՏՕ շարժման նախաձեռնող Նարեկ Մալյանը:

«Գորիսի քաղաքապետին մեկուսացնելը ռեպրեսիայի ամենակոշտ, ամենալկտի դրսևորումն է ու այդ լկտի դրսևորմանը հանրությունն իր արձագանքը տալիս է: Սյունիքից դավաճան Նիկոլ Փաշինյանը փախուստի դիմեց: Նա գրել էր, որ երկուշաբթի օրը անց կկացնի Սյունիքում, սյունեցիներն անցը կկացրեցին՝ այն, ինչը ինքը պլանավորում էր, տեղի չունեցավ, Սիսիանից առաջ չկարողացավ գնալ: Մանր ճղճիմ թեմաների մեջ է մտնում հոգևորականի հետ, գնալուց հանձնարարում է ոչնչացնել Առաքելական եկեղեցու այն հոգևորականին, որ իրեն ձեռքով չբարևեց: Բոլոր տգետներին լուսավորեմ, որ եկեղեցու աշխատողին հոգևորականներին ձեռքով չեն բարևում ընդհանրապես, նման բան չի կարելի՝ էթիկայի կանոնից դուրս ա»,- ասաց Մալյանը:

Նա հիշեցրեց Փաշինյանի հայտարարությունը՝ հոգևորականներին ծնկի բերելու վերաբերյալ.

«Հիշում եք, որ մեկ տարի առաջ հայտարարում էր, որ Հայ Առաքելական եկեղեցու եկեղեցականներին, հոգևորականներին ծնկի է բերելու, ի՞նչ էր սպասում, որ այս մարդիկ ինքնասիրություն, պատիվ, արժանապատվություն չունե՞ն: Իր նմա՞ն են բոլորը, իր այդ անարժանապատիվ ՔՊ-ականների նմա՞ն են: Սյունեցին այսօր մի հատ մեծ դաս տվեց ամբողջ ՀՀ-ի մնացած տարածքին, մնացած քաղաքացիներին, թե ոնց ա պետք անցը կկացնել»,- նշեց Մալյանը: