«Այլևս թող ոչ ոք ինձ չմոտենա ու բողոքի». Արմեն Մարտիրոսյան

Այլևս թող ոչ ոք ինձ չմոտենա ու բողոքի, թող գան կանգնեն, ես որևէ մեկի փոխարեն չեմ կարող պայքարել: Այս մասին հայտարարեց «Ժառանգություն» կուսակցության փոխնախագահ Արմեն Մարտիրոսյանը լրագրողների հետ հանդիպման ժամանակ:
«Համոզվեցինք, որ տեղամասում, քվեարկությամբ, ընտրական պրոցեսով այլևս հնարավոր չէ փոփոխության, փողոցն էլ քաղաքացի է պահանջում: «Ժառանգությունը», «Նոր Հայաստանն» ի՞նչ կարող են անել, ես չեմ կարող ասել: Գիտեմ, միայն, որ արդյունքի կհասնենք, եթե փողոցում հավաքվեն բոլորը»,- ասաց Մարտիրոսյանը:

Արմեն Մարտիրոսյանը նկատեց, որ կեղծարարություն սպասվում էր, բայց որ այն կունենա այսպիսի լայն ծավալ, չէր պատկերացնում:

«Ազնվորեն այս չափերի չէի պատկերացնում, գիտեի, ասել էի, որ կեղծվելու է, ասել էի, որ քվեարկության հարցը չի լուծվել, ասել էի, որ ընտրական ինստիտուտ գոյություն չունի, բայց որ այս ծավալի` իսկապես չէի պատկերացնում»,-ասաց նա:

Պատգամավորը վստահեցրեց, որ բազմաթիվ կադրեր կան, թե ինչպես են գումար բաժանում:

«Ինչ օպերատիվ ծառայության մասին է խոսքը: Օպերատիվ կարող են միայն զորք հավաքել ու խաղաղ քաղաքացիների վրա ուժ ցուցաբերել: Ուժ ցուցադրող են, թող գնան սահմանին ուժ ցուցադրեն»,-ասաց Արմեն Մարտիրոսյանը:

Նա հարցով դիմեց Դաշնակցության իր գործընկերներին. «էս երկրում, որ մարդ չմնաց, դուք ուրախ կապրե՞ք»։