Նիկոլն խաղամոլի նման «ազարտի» մեջ է․ տանուլ է տալիս տարածքեր ու մարդկային կյանքեր՝ առանց աչքը թարթելու

Դեռևս վարչապետի պաշտոնն զբաղեցնող և ստորագրությամբ Արցախն ու Հայաստանի որոշ շրջաններ թշնամուն հանձնած Նիկոլ Փաշինյանը ուղերձ է հղել «իր ժողովրդին»՝ Հայաստանում և Արցախում հայտարարված եռօրյա սգի կապակցությամբ։

Նախ նկատենք, որ այդ ուղերձն ավելի շատ իր քայելրը՝ մասնավորապես իր ստորագրած փաստաթղթով հողերը թուրքին հանձնելու գործընթացը (որն ի դեպ՝ դեռ չի ավարտվել) արդարացումն է, որով նա փորձում է մեղքն իրենից հեռացնել։

Փաշինյանն այնքան ազնվություն է ունեցել ասելու իր ուղերձում, որ ազգովի մղձավանջի մեջ ենք, սակայն համաձակությունը չի ունեցել հայտարարելու, որ այդ մղձավանջն իր պատճառով է ստեղծվել, որ իր մեղքով է բոլորի երազանքները ջարդուփշուր եղել։

Նա հայտարարում է, թե կատարվածի պատասխանատվությունն իր վրա է՝ միևնույն ժամանակ հորդորում է իրեն քավության նոխազ չդարձնել․․․

Ավելին՝ խոստանում է չկրկնել անցյալի ճանապարհը․․․

Ո՞ր ճանապարհը չկրկնելու մասին է խոսում Նիկոլը, եթե շարունակում է ո՛չ միայն նորբ տարածքներ տալ, այլրև գերիներ՝ թշնամուն։ Ի՞նչ կարելի է ակնկալել նման մարդուց առաջիկայում, ի՞նչ հույսով պետք է որևէ մեկը վստահի նրան ու շանս տա կառավարելու․․․

Այսինքն՝ մեկը, ով արդեն իր դավաճանության համար պետ է գահընկեց արվեր և գնար իր պատիժը կրելու, դեռ համարձակվում է ուղերձներ հղել ու խոսել իր շարունակելի իշխանության մասին։

Դեռ ժամանակին Նիկոլն ասել էր, թե Արցախի գրավված տարածքները պետք է վերադարձնել․․․ ասել էր ու փաստորեն նաև արեց, բայց չգիտակցելով, որ դա ոչ թե գրավված, այլ ազատագրված տարածքներ են ղել։

Շատերի ենթադրյալ «փրկիչն» ու  «Աստվածը» պարզապես թուրքին նվիրեց Հայաստան աշխարհը։ Ընդ որում՝ որոշ տվյալների համաձայն 8000-ից անցնող զոհերի արյան, 2000-ից անցնող անհետ կորացների ու գերիների, և դեռ զոհվող ու գերեվարվող մեր հայրենակիցների գնով։

Էլ չեն ասում, որ նա արժեզրկեց 90-ականներին տեղի ունեցած Արցախյան գոյամարտի ժամանակ մեր հերոզսների սխրանքներն ու թափած արյունը։

Այս մարդուն փրկիչ համարողները գոնե գիտե՞ն, որ հենց նրա ձեռքով են տարածքները հանձնվում՝ նրա լուռ համաձայնության շնորհիվ։

Ըստ էության, Նիկոլ Փաշինյանը հանձնեց նաև Սյունիքը: Դա հասկանալու համար, որքան էլ որևէ մեկը հոգով և ուղեղով կույր լինի, թող գոնե պատկերացնի, թե ինչպես են ապրելու Սյունիքի այն 10-13 համայնների բնակիչները, որոնք կլինեն ադրբեջանցիներ շրջափակման գոտում․․․

Դուք կապրե՞ք այնտեղ, Նիկոլի՛ն սատարողներ․․․․

Հիմա նա փորձում է շարունակել կերակրել հեքիաթներով, շահարկել զոհվածների անուներն ու սրտաճմլիկ տեքստերով դիմել մարդկանց՝ միայն իր աթոռը տակին մի քիչ էլ երկար պահելու համար։ Ախորժակը բացվել է․․․ 

Նիկոլի համար մեր երկիրը, կարծես ոչ թե հայրենիք է, այլ խաղատուն․․․ նա նստել է խաղասեղանի առջև ու «ազարտի» մեջ է ընկել՝ տալիս է ու տալիս տարածքները․․․ բայց դրանից տանուլ է տալիս, ո՛չ թե ինքը, այլ հայ ժողովուրդը, որը չգիտես ինչու, դեռ չի փորձում նրա թևերից բռնել ու դուրս շպտրել․․․

Եվ Փաշինյանը շարունակում է տանուլ տալ հայրենիքը, ու որքան էլ պողոս լինի մարդ, պետք է հասկանա, որ Նիկոլի խաղերի նման ընթացքի դեպքում, ոչ թե Նիկոլը, այլ ինքն է մնալու անհայրենիք, քանի որ Նիկոլը ոչ թե իր, այլ ժողովրդի ունեցվածքի ու մարդկանց կյանքերի վրա է խաղադրույթներ կատարում՝ «սիրում եմ բոլորիդ» ասելով․․

Պողոսներ, Նիկոլը երբեք ձեզ չի սիրել․․․

Արմինե Մկրտումյան