Դավաճան Նիկոլի պատճառով Գորիս-Կապան ճանապարհը կփակվի՞․ քաղաքագետ

Քաղաքագետ Գագիկ Համբարյանը ֆեյսբուքյան իր էջում գրում է.

«Երեկ ազգադավ Նիկոլի գլխավորությամբ Կառավարությունում տեղի էր ունեցել ԱԽ արտահերթ նիստ, որի ընթացքում նա մասնավորապես անդրադարձել է Կուբաթլուի և Զանգելանի շրջանների կարգավիճակին:

«Հաջորդ խնդիրը, որի շուրջ առաջիկայում մեզ պետք է որոշումներ կայացնել, կապված է Կուբաթլու և Զանգելան շրջանների իրավիճակի հետ»,-ասել էր սա ու ակնարկել, որ սահմանազատման ժամանակ կարող է տեղի ունենալ կամ առաջանալ որոշակի լարվածություն, քանի որ այդտեղով է անցում մեզ համար ռազմավարական նշանակության ճանապարհ:

Թուրքի դեմ ծնկած Նիկոլը միտումնավոր չի նշել, որ այդ ճանապարհը Գորիս-Կապան ճանապարհն է, որը նաև Հայասատնը կապում է Իրանի հետ: Այո՛, կապիտուլյացիայի ստորագրումից հետո ազգադավ տականքը, չնայած այն հանգամանքին, որ այդ հատվածում մեր բանակը պահպանել էր իր դիրքերը, պարտավորվել է դրանք դուրս բերել, որի արդյունքում Գորիս-Կապան ճանապարհը երկու տեղում անցնում է ադրբեջանցիների վերահսկողության տակ, իսկ շատ բնակավայրեր, այդ թվում նաև Կապան քաղաքը և Շուռնում գյուղը դառնում էր սահմանամերձ բնակավայրեր՝ այդ ամենից բխող բոլոր բացասական հետևանքներով...

Նիկոլը ԱԽ նիստին կիսատ-պռատ խոսելով և կոնկրետ անուններ չտալով, այնուամենայնիվ, հասկացրեց հասարակությանը, որ կյանքի է կոչելու իր կողմից Իլհամի առաջ ստանձնած պարտավորությունները, որոնց հետևանքներն արդեն աղետալի են Հայաստանի համար:

Համոզված եմ, եթե պաշտոնական Բաքուն թույլ տա, որ Գորիս-Կապան ճանապարհն անխափան գործի, ապա դա շատ բարձր գնով է վաճառելու ազգադավ Նիկոլին ու մաքսիմալն է ստանալու Հայաստանից, որի մասին մենք դեռ չգիտենք: Նիկոլը սեփական խայտառակությունները պարտակելու համար պատրաստ է ամեն ինչի:

Ի դեպ, Նիկոլի պատճառով հայ-ադրբեջանական սահմանի Սյունիքի, Գեղարքունիքի և Վայոց Ձորի հատվածներում ադրբեջանցիները ստացել են գերիշխող դիրքեր մեր նկատմամբ»: