Արցախի 36 հէկ-երից 30-ն անցել է Ադրբեջանի վերահսկողության տակ. Hetq.am
Hetq.am-ը գրում է.
«2020թ. պատերազմի հետևանքով Արցախում էներգետիկ ենթակառուցվածքները ահռելի վնասներ են կրել։ Պատերազմի դադարից հետո սկսվեցին էլեկտամատակարարման վերականգնման և վերակառուցման աշխատանքները։
Արցախի Հանրապետության (ԱՀ) էկոնոմիկայի և արտադրական ենթակառուցվածքների նախարարի պաշտոնակատար Արմեն Թովմասյանը «Հետքի» հետ զրույցում ասաց, որ մինչ օրս պատերազմի հետևանքով էլեկտրամատակարարմանը հասցված վնասի ամբողջական գնահատում չի կատարվել, նաև դեռևս պարզ չէ, թե որքան գումար է անհրաժեշտ լինելու վերականգնման աշխատանքների համար։
Նախարարության էներգետիկայի բաժնի պետի պաշտոնակատար Լևոն Գաբրիելյանն էլ «Հետքին» պատմեց վթարավերականգնման և էլեկտրամատակարարման ապահովման աշխատանքների մասին։
Նրա խոսքով՝ դեռևս էլեկտարամատակարարման վերականգնման աշխատանքները շարունակվում են, բացի այդ կառուցվում և վերազինվում են նոր ենթակայաններ՝ ծանրաբեռնվածությունը նվազեցնելու համար։
«Արցախում 36 հէկ ունեինք, այս պահի դրությամբ մեր ենթակայության տակ 6 հէկ է մնացել։ Ամբողջ հզորությամբ դրանք չեն կարող աշխատել, քանի որ ձմեռ է, սակավաջրություն։ Մեծը Սարսանգ հէկն է, մյուս հինգը փոքր հէկեր են»,-նշեց նա։
Էկոնոմիկայի և արտադրական ենթակառուցվածքների նախարարությունը էլեկտրամատակարարման ապահովման համար առաջնային կարիք է համարում օդային գծերի ու ենթակայանների վերանորոգման, տեղափոխման աշխատանքները։
Մայրաքաղաք Ստեփանակերտում էլեկտրամատակարարումը գրեթե ամբողջովին վերականգնվել է։ Հիմնական խնդիրը մնում է Մարտունիի որոշ գյուղերը.
«Տեղեր կային, որտեղ օդային գիծը Շուշիով էր անցնում։ Այն այժմ չկա։ Հիմա նոր գիծ է կառուցվում, պետք է տեղ հասցվի, որ ամբողջությամբ էլեկտրամատակարարումը հերիքի»,- ասաց Լևոն Գաբրիելյանը։
Մինչև պատերազմը՝ Հայաստանն Արցախին կապող երկու էլեկտրահաղորդման գիծ կար` 110 ԿՎ լարմամբ։ Այդ երկու գծերն ու դրանց տրանսֆորմատորային ենթակայանները գտնվում են Շահումյանի և Քաշաթաղի շրջաններում։ Լևոն Գաբրիելյանի խոսքով՝ Շահումյանի շրջանի էլեկտրահաղորդման գիծը մնաց Ադրբեջանի վերահսկողության տակ, իսկ Քաշաթաղի շրջանի գիծը միջանցքային ճանապարհով է անցնելու։ Այն գրեթե վերանորոգված է, որով արդեն Հայաստանից էլեկտրաէներգիա կներմուծվի Արցախ»։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
