«Վեոլա ջուր»-ը սպառողին խաբելու վրա է նստել․ Քանաքեռի մի հատվածում մոտ 20 ժամ է ջուր չկա․ զուգադիպությո՞ւն, թե՞ ներքին պայմանավորվածություն․․․

Երեկ՝ դեկտեմբեր 7-ին, կեսօրին, առանց նախազգուշացնելու, Երևանի Քանաքեռ-Զեյթուն վարչական շրջանի մի հատվածի ջրամատակարարումն անջատվել է։ Բնակիչներն ահազանգել են «Վեոլա ջուր» փակ բաժնետիրական ընկերություն, որտեղից պատասխանել են, թե վթար է տեղի ունեցել և ջրամատակարարումը վերականգնելու համար արդեն աշխատանքներ են տարվում։ Նաև զգուշացրել են, որ ջրամատակարարումը կվերականգնվի մինչև ժամը 15։30։

Սակայն ջրամատակարարումը ո՛չ այդ ժամին, ո՛չ էլ դրանից մեկ ժամ անց չի վերականգնվել։ Ու քանի որ բնակիչները նախապես զգուշացված չեն եղել որպեսզի ապահովեն իրենց ջրի պաշարով, ուստի անհանգստանալով՝ կրկին զանգահարել են։ Այժմ էլ զգուշացրել են, որ շուտով կլինի։

Մեկ այլ բնակչի ահազանգին էլ պատասխանել են, թե ժամը 19։00-ին կլինի։ Սակայն այդպես էլ ամբողջ օրը ջուր չեկավ։

NEWSPRESS.am-ը փորձեց պարզել, թե ի վերջո ինչ խնդիր կա, որ ջրամատակարարոիմը դեռևս վերականգնված չէ։ Ջրմուղից մեզ ասացին, թե մի վթարից նոր վթար է առաջացել։ 

-Այս պահին ձեր աշխատակիցներն աշխատո՞ւմ են։

-Այո՛, իհարկե։ Ուզում են անպայմանման վերականգնել ջրամատակարարումը։ Հենց նոր խոսեցի իրենց հետ։

-Եթե խնդիրն այդքան բարդացել է՝ խնդրում եմ ասացեք մեզ այդ վթարի վայրը, որպեսզի մեր նկարահանող խումբը մեկնի և տեղում պարզի։

-Չէ, գիտե՞ք․․․ ես չգիտեմ կոնկրետ որ հատվածն է վթարի ենթարկվել։

—Ներեցեք, բա ի՞նչ գիտեք, որ այս պահին այդ հատվածում աշխատում են։

-Գիտե՞ք, քանի որ դուք լրատվությունից եք, ես մեր լրատվականի պետի՝ Մուրադի համարը տամ՝ զանգեք։

-Շնորհակալություն, Մուրադ Սարգսյանի համարը ես ունեմ։

Մուրադ Սարգսյանը, լսելով խնդիրը, որևէ կառուցաղոկան լուծում առաջարկելու փոխարեն՝ հորդորեց․ «է, բա գնացեք նկարեք»։ Երբ ասացինք, որ չեն ասում, թե կոնկրետ որտեղ է վթարը՝ նաասաց, թե հիմա կպարզի և հորդորեց զանգահարենք քիչ ուշ։

Երբ զանգահարեցինք նրան՝ ոգևորված ասած․ «Մեր աշխատողները չեն ստում, վթար եղել է, բայց հիմա ջրամատակարարումը վերականգնված է․ ձեր ջուրը գալիս է»։ 

-Բայց էս պահին ջուր չի գալիս։

-Չէ՛, գիտեք, մի քանի թաղամասում արդեն գալիս է, դեռ ձեզ չի հասել։

-Այսի՞նքն։

-Դե վթարի հետևանքով ճնշման խնդիր է առաջացել․ էնպես որ ձեր ջուրը գալիս է, էսա կհասնի։

Իհարկե ջուրն այդպես էլ չհասավ։ Ավելի ուշ ջրմուղի մեկ այլ աշխատակից տվեց նույն պատասխանը՝ համոզելով, որ մեր «ջուրը գալիս է»։

Հարկ ենք համարում նկատել, որ այսօր՝ դեկտեմբերի ր-ի առավոտյան, 09։20-ի դրությամբ՝ Քանաքեռի մի հատվածում։ Ջուրը այդպես էլ դեռ չի գալիս։

Հ․Գ․ Հարկ է նկատել, որ երբ բնակիչներից մի քանիսը փորձել են խանութից գնել 5 կամ 10 լիտրանոց տարրայով ջուր, դրանք արդեն հարակից բոլոր խանութներում սպառված է եղել։ Այստեղ նույնիսկ հարց է առաջանում՝ զուգադիպությո՞ւն է, թե՞ պայմանավորվածություն․․․

 Արմինե Մկրտումյան