ՊԵԿ գործունեությանն առընչվող մի քանի հարց Նիկոլ Փաշինյանին. Հայկ Ֆարմանյան

Պարոն Փաշինյան, ցանկանում են Ձեզ մի քանի հարց ուղղել, ՀՀ ՊԵԿ-ի գործունեությանն առընչվող՝ ԹՎԱՑՅԱԼ հին ու ՄՈՌԱՑՎԱԾ, սակայն միշտ կարևոր մի քանի թեմաների վերաբերյալ: Այս մասին ֆեյսբուքյան իր էջում գրել է տնտեսագետ Հայկ ֆարմանյանը և հավելել.

«1. Ճի՞շտ է արդյոք, որ ժամանակին կեղծվել է 2018թ-ի բյուջեի կատարողականը, մասնավորապես բյուջեն թերակատարվել էր շուրջ 24.6 մլրդ դրամով, սակայն ԿԵՂԾԻՔԻ արդյունքում, շուրջ 21 մլրդ դրամ անհիմն ճանաչվել է հարկային եկամուտ և արդյունքում բյուջեի թերակատարումը ներկայացվել է 3.6 մլրդ դրամ։ Այդ փաստով, որևէ մեկը առ այսօր պատասխանատվության ենթարկվե՞լ է, թե՞ ոչ։

2. Ճի՞շտ է արդյոք, որ Ձեր կողմից ՝ ՀՀ վարչապետի պաշտոնը ստանձնելուց հետո, առանձին տնտեսվարող սուբյեկտներ,ՇՐՋԱՆՑԵԼՈՎ ՄԱՔՍԱՅԻՆ ՕՐԵՆՍԴՐՈՒԹՅԱՄԲ ՍԱՀՄԱՆՎԱԾ ԸՆԹԱՑԱԿԱՐԳԵՐԸ ՝ հնարավորություն են ունեցել Թուրքիայից ներմուծել տարբեր ապրանքատեսակներ, որոնց յուրաքանչյուր կիլոգրամի դիմաց վճարելով ընդամենը 1.25 ԱՄՆ դոլարին համարժեք գումար, ինչը սահմանված չէ գործող օրենսդրությամբ, մաքսազերծել են այդ ապրանքները՝ պետբյուջեին պատճառելով հսկայական վնաս։ Եթե դա այդպես է, ապա կարո՞ղ ենք փաստել, որ ԿՈՌՈՒՊՑԻԱՆ «պոզով պոչով» կենդանի չէ․․․․

3. Ճի՞շտ են արդյոք այն տեղեկությունները, որ ՀՀ-ից ՝ ՈՉ ԲՈԼՈՐ ՍՈՒԲՅԵԿՏՆԵՐԸ, օրենսդրությամբ սահմանված ընդհանուր հիմունքներով, կարող են արտահանել ՄԵՏԱՂ ․ եթե դա այդպես է, տեսնու՞մ եք արդյոք այդտեղ լուրջ կոռուպցիոն ռիսկեր, թե՞ ոչ։

4. Ձեր կողմից՝ ՀՀ վարչապետի պաշտոնը ստանձնելուց անմիջապես հետո հայտարարեցիք, որ «․․․․այսուհետ մաքսային մարմինները պարտավոր են աշխատել կայծակնային արագությամբ»․ կատարվե՞լ է արդյոք ձեր հանձնարարականը, թե՞ ոչ։ Տեղյա՞կ եք արդյոք, որ մաքսային օրենսդրությամբ սահմանված չէ՝ ապրանքների մաքսային ձևակերպումներից առաջ, ժամերով ՀԵՐԹ ԿԱՆԳՆԵԼ մաքսային մարմիններում՝ մաքսազերծման ենթակա ապրանքների ՀՍԿԻՉ գները ճշտելու կամ համաձայնեցնելու նպատակով։ Եթե դա այդպես է, ապա կարո՞ղ ենք արդյոք փաստել, որ Ձեր հանձնարարականը ՓԱՍՏԱՑԻ ՉԻ ԿԱՏԱՐՎԵԼ և վարչարարությունը արդյունավետ չի իրականացվում։

5. Ճի՞շտ են արդյոք այն տեղեկությունները, որ ՀՀ-ից՝ երրորդ երկրներ ապրանքների արտահանման դեպքում՝ տնտեսվարողները ՊԱՐՏԱՎՈՐ ԵՆ ՀԱՄԱՊԱՏԱՍԽԱՆ ԴԻՄՈՒՄ ՆԵՐԿԱՅԱՑՆԵԼ և ստանալ, ՈՒՇԱԴՐՈՒԹՅՈՒՆ․․․․՝ ԹՈՒՅԼՏՎՈՒԹՅՈՒՆ․․․։ Օրենսդրությամբ սահմանված չէ ԴԻՄՈՒՄ ՆԵՐԿԱՅԱՑՆԵԼՈՒ և ԹՈՒՅԼՏՎՈՒԹՅՈՒՆ ՍՏԱՆԱԼՈՒ ՎԵՐԱԲԵՐՅԱԼ ՈՐԵՎԵ ԸՆԹԱՑԱԿԱՐԳ։ Եթե դա այդպես է, ապա կարո՞ղ ենք արդյոք փաստել, որ ՀՀ ՊԵԿ-ի կողմից առկա է արտահանումների ՓԱՍՏԱՑԻ ԽՈՉԸՆԴՈՏ․․․։ Հ․Գ․ ՀԱՐՑԵՐԸ ՇԱՐՈՒՆԱԿԵԼԻ ԵՆ․․․․․․․․․»: