Հայաստանում գրանցվել է ՄԻԱՎ վարակի աննախադեպ բարձր ցուցանիշ

1988թ-ից մինչև 2015թ-ի դեկտեմբերի 1-ը ՀՀ-ում գրանցվել է ՄԻԱՎ վարակի 2 214 դեպք, որոնցից միայն 334-ը՝ 2014թ-ի ընթացքում: Նախորդ տարիների համեմատ սա առավելագույն ցուցանիշն է: Թեմայի շուրջ newspress.am-ը զրուցեց ԵՊԲՀ սեքսոպաթոլգիայի կլինիկայի բժիշկ-սեքսոպաթոլոգ, սեքսոլոգիայի ամբիոնի դասախոս, բժշկական գիտությունների թեկնածու Վրեժ Շահրամանյանի հետ:

Պարոն Շահրամանյան վերջին տարիներին շատ է խոսվում, որ ՀՀ քաղաքացիների, հատկապես երիտասարդնրի շրջանում բարձրացել է անվտանգ սեռական հարաբերությւոնների վերաբերյալ գիտելիքները և նրանք ավելի ուշադիր են իրենց սեռական առողջության նկատմամբ: Սակայն ՁԻԱՀ կենտրոնի 2014թ-ի նման աննախադեպ ՄԻԱՎ վարակի դեպքերը կարծես թե հակառակի մասի՞ն է խոսում:

Պետք է փաստել, որ սայլը կարծես աստիճանաբար տեղից շարժվում է: Գնալով մեծանում է այն երիտասարդների թիվը, ովքեր ավելի շատ են ուշադրություն դարձնում իրենց սեռական առողջությանը և գալիս են հետազոտության: Հաճախ էլ ամուսնանալուց առաջ գալիս են, անցնում սեքսոլոգիական անհրաժեշտ հետազոտություններ, ինչը շատ գովելի է: Երբեմն մեզ դիմում են այնպիսի տղամարդիկ, կանայք, ամուսնական զույգեր, որոնց մոտ ապատեղեկատվության պատճառով սեռական խանգարումներ են առաջացել;

Ինչո՞վ է պայմանավորված ՄԻԱՎ վարակակիրների թվի աճը և ինչպիսի՞ն հասարակության սեռակրթվածության մակարդակը: Արդյո՞ք դա չէ պատճառը, որ այսօր աննախադեպ աճ է գրանցվել:

Ծնողներից բացի` երեխաների սեռական դաստիարակությամբ «զբաղվում են» նաև նրանց շրջապատը` ավելի «իրազեկ» ավագ ընկերները, կասկածելի և անհավաստի տվյալներ պարունակող գրականությունը, ինտերնետային կայքերը, ֆիլմերը, հեռուստատեսությունը: Սեռակրթության առումով անելիքներ դեռ շատ կան։ Սեռական կյանքով ապրելը բնավ դեռ չի նշանակում սեռակրթված լինել:

Ովքե՞ր են վարակի տարածման հիմնական ռիսկային խմբերը:

Առանձնահատուկ ռիսկի խումբ են կազմում արտագնա աշխատանքի մեկնողները, որոնք ավելի են ենթակա ՄԻԱՎ վարակի, նաև սեռավարակների:
Սեռավարակներով պայմանավորված սեռական խնդիրներ ունեցող պացիենտերի թիվը գնալով մեծանում է: Սեռավարակների մասին խոսելիս շատերն ամոթխածությամբ լռում են, բժշկի չեն դիմում, ինչի հետևանքով կարող են առաջանալ մի շարք բարդություններ: Սեռավարակները թացքնելու պարագայում վտանգի տակ կարող ես դնել և՛ քո, և՛ ընտանիքիդ անդամների առողջությունը:
Հարկավոր է խնդրին ավելի լուրջ մոտենալ և աննշան կասկածի դեպում նույնիսկ դիմել մասնագետների ու հետազոտվել: