Ով բացեց Հադրութի թիկունքը, ով է դրա պատասխանը տալու. Տարոն Տոնոյան. VIDEO

ՀՅԴ Հայաստանի ԳՄ անդամ, բժիշկ-ազատամարտիկ Տարոն Տոնոյանը, որն առաջնագծում է եղել պատերազմի բոլոր օրերին, այսօր՝ նոյեմբերի 21-ին, Ազատության հրապարակում Նիկոլ Փաշինյանի հրաժարականի պահանջով անցկացվող հանրահավաքին պատմեց, որ զորահավաքով սահման մեկնածները, որոնց հետ ինքը առնչվել է, չեն ունեցել բռոնե ժիլետներ։

«Ես ուզում եմ հարց ուղղել ՀՀ այդպես էլ չկայացած վարչապետ, դեղին մամուլի էջերի վարպետ Նիկոլ Փաշինյանին», -իր ելույթում ասաց Ազատամարտիկ բժիշկ Տարոն Տոնոյանը` կոչ անելով վարչապետին պատասխանել նախկին շտաբի պետ գեներալ լեյտենանտ Մովսես Հակոբյանի բարձրացրած հարցերին, ՀՀ նախագահ Արմեն Սարգսյանի բարձրացրած հարցերին:

«Լենա Նազարյանը իր բերանով ասեց, որ էնպես հանձնեին պետքա ասեին հանձնեցին, դե կռվեցինք` վերցրեցին: Սա կոչվում է պատերազմի իմիտացիա: Մենք հաղթող ժողովուրդ ենք, պարտվողը` Նիկոլ Փաշինյանն է իր մանկապարտեզի թիմով: Ով բացեց Հադրութի թիկունքը, ով է դրա պատասխանը տալու, որտեղից սողոսկեցին դիվերսիոն խմբերը»,-ասաց նա:

Տարոն Տոնոյանը նկատեց նաև, որ պատերազմի առաջին օրերից՝ ամսի 27-ից եղել եմ Ջաբրաիլում, հետո Հադրութում, հետո Ստեփանակերտում: 

«Առաջին օրերին վիրավորներ էին գալիս միայն վերին եւ ստորին վերջույթների վնասումներով։ Ինչո՞ւ, որովհետեւ մեր կանոնավոր զորքը կռվում էր եւ զինվորները կասկա ու բռոնե ժիլետ ունեին։ Բերեցին մեր մոբի տղերքին, 28 հազար դրամ արժեն էդ բռոնե ժիլետն ու կասկեն, ու սկսվեց կոտորածը․ բոլոր տղերքը գալիս էին կրծքավանդակի ու որովայնի ծանրագույն վիրավորումներով․ մեր զոհերի մեծ մասը եղել են որովայնի եւ կրծքավանդակի վիրավորումներով։

Ինչո՞ւ բռոնե ժիլետ չտվեցիր էդ տղերքին։ Նիկոլ Փաշինյան, պատասխանի հարցիս՝ աշխարհի ո՞ր երկրում է եղել, որ 2002թ․ զորակոչված 18 տարեկաններին՝ երկու-երեք ամսվա ծառայող, դու տարար ու դիրքերը լցրեցիր։ Էդքանից հետո առանց ամաչելու, խղճի խայթ զգալու հավաքում ես էստեղ էդ թափթփուկներին․ դրանց մեջ, գուցե, մոլորված ազնիվ տղերք էլ կային, բայց ում որ ես տեսա, էնտեղ տեսել եմ հոսպիտալի պատերի տակ՝ կուճուռած տեղեկանք էին մուրում որ փախնեն, Երեւան գան»,- ասաց նա՝ կարծիք հայտնելով, որ իշխանությունները պարտադրում են հաջորդ պարտությունների։