Ասել են գնացեք դիակների վրայից հանեք զրահաբաճկոնները, ու գրոհեք. Արմեն Ռուստամյան

Մենք շատ հստակ ասել ենք, որ մենք մտադիր ենք այս հանգուցալուծմանը հասնել խաղաղ, սահմանադրական ճանապարհով: Այս մասին, յսօր՝ նոյեմբերի 12-ին, Արցախի տարածքները հանձնելու դեմ կազմակերպված բողոքի երթի ժամանակ լրգրողների հետ զրույցում նշեց ՀՅԴ բյուրոյի անդամ Արմեն Ռուստամյանը:

«Նիկոլն ինքն էլ է ասում, որ դա վատ փաստաթուղթ է: Այդ փաստաթուղթը դու ես ստորագրել բոլորսի թիկունքում, որի իրավունքը չես ունեցել: Դա իշխանազանցության օրինակ է:

Այսօր բոլորին բանտարկում է, բայց հիմնական մեղավորը, որ պետք է բանտարկվի, ինքն է: Ինքը հայտարարեց, որ մտածում եմ՝ հանրահավաք անելու մասին, բա իրեն խի՞ չեն բռնում: Այսինքն իրեն ամեն ինչ կարելի է”: Այսօրվա մեր հանրահավաքն իբր արգելված է: 2018-ին էլ էր արգելված, բայց իրեն դա կարելի էր, որովհետեւ ինքը ժողովրդի մարմնավորումն էր: Բա սա ժողովուրդ չի՞: Դու ժողովրդին հարցրե՞լ ես, որ գնաս տենց բան ստորագրես»,-ասաց նա:

Արմեն Ռուստամյանը հավելեց. «Մենք ունենք լրջագույնս խնդիր, որը ենթադրում է երկարատեւ պայքար: Ես հասկացա, որ էս մարդը չի կարողանում ադեկվատ գնահատել իրավիճակը, նա Ղարաբաղի պտերազմը տեղափոխում է Հայաստան: Հիմա ինքը շարունակում է նույն թույն ու թարախը, որ հիմա էլ տեղափոխվի էստեղ պատերազմը:

Նա նկատեց, որ այստեղ ոստիկանները զրահաբաճկոններով են, իսկ պատերզմի ժամանակ մարդիկ դա չեն ունեցել. «Ասել են գնացեք դիակների վրայից հանեք զրահաբաճկոնները, ու գրոհեք: Էդ թափթփվածության առաջին մեղավորը հենց Նիկոլ Փաշինյանն է: Ինքը հայտարարում է՝ պետականություն ունենք, բանակ ունենք, հետո էլ ասում է գնացեք 30 հոգով մարզպետը, համայնքապետը, ջոկատներ ստեղծեք: Այսինքն մենք ջոկատներից բանակ էինք ստեղծել, էս մարդը եկել քանդում, հետ է տանում: Այս ամեն ինչը կատարվել է նրա համար, որ էս հանձնման պատասխանատվությունը գցի իր վրայից:

Ինքը չի ուզում պարտության պատասխանատվությունը իր վրա վերցնել: Պարզվում է Գագիկ Ծառուկյանը չի պաշտպանել Շուշին, դրա համար հանձնել ենք: Սենց աբսուրդներով կարելի՞ է ապրել»,-ընդգծեց Ռուստամյանը՝ հավաստիացնելով, որ իրենք ունեն այլընտրանքային ծրագրեր: