Թուրք զինվորները փորձել են անօրինական եղանակով ներթափանցել Հունաստանի տարածք, ինչը նկարահանվել. VIDEO

Չորեքշաբթի օրվա երկրորդ կեսին Եվրոսում գտնվող հույն սահմանապահները ականատես են եղել մի տարօրինակ միջադեպի. նրանք նկատել են, թե ինչպես են թուրք զինվորները,  քաղաքացիական հագուստով մարդկանց հետ, փորձել հատել գետը: Գրում է greekcitytimes.com կայքը

Թուրք զինվորները նույնիսկ ավտոմատ զենք են ունեցել, և ամբողջ դեպքը արձանագրվել է CNN Greece- ի կողմից այսօր հրապարակված տեսանյութում:

Նշվում է, որ ամեն բան սկսվել է Ջեմիստի շրջանում, երբ հունական իշխանությունները աստղադիտարանի տարածքում նկատել են ենթադրաբար գաղթականների, որոնք փորձել են անօրինական կերպով ներթափանցել Հունաստանի տարածք։

Հունաստանի սահմանապահները տագնապ են հնչեցրել և կարճ ժամանակ անց գետի մոտ 5 զինված և 4 անզեն մարդ է հավաքվել։ Հույն սահմանապահների ներկայությունը նկատելուն պես վերջիններս շտապել են լքել տարածքը։

Հունական կողմը չի բացառում, որ փորձել են անօրինական եղանակով Հունաստանի տարածք ներթափանցելու տարբերակներ փնտրել։