Լևոն Տեր-Պետրոսյանը խորամանկում է. նա ստանձնել է Իսրայելի օմբուդսմենի դերը. քաղաքագետ
Քաղաքագետ Գագիկ Համբարյանն անդրադարձել է ՀՀ առաջին նախագահ Լևոն Տեր-Պետրոսյանի հայտարարությանը, թե Իսրայելացի մտավորականների հայտարարությունը հույս է ներշնչում, որ այդ երկրի հասարակությունը կստիպի իր կառավարությանը ներողություն խնդրել հայ ժողովրդից:
Քաղաքագետի դիտարկմամբ, Լևոն Տեր-Պետրոսյանն ստանձնել է Իսրայելի օմբուդսմենի դերը և խորամանկում է։
«Հայաստանի առաջին նախագահ Լևոն Տեր-Պետրոսյանը հայտարարությամբ է հանդես եկել և իր գոհունակությունն է հայտնել իսրայելցի 15 մտավորականների հայտարարության վերաբերյալ՝ հույս հայտնելով, որ այդ հայտարարությունը հույս է ներշնչում, որ այդ երկրի հասարակությունը, ոտքի կանգնելով, վերջապես կստիպի սեփական կառավարությանը ներողություն խնդրել հայ ժողովրդից և հրաժարվել իր որդեգրած ամոթաբեր ու անմարդկային դիրքորոշումից... Պարոն Տեր-Պետրոսյանն իր հայտարարության մեջ նաև նշում է. «Ապշելու բան էր, թե ինչպես կարող է ահավոր ցեղասպանության զոհ դարձած մի ազգի կառավարություն, զուտ մերկանտիլ շահերից դրդված, ակտիվորեն սատարել մի այլ ազգի նկատմամբ կիրառվող բացահայտ ցեղասպանությանը»...
Նախ սկսենք նրանից, որ պարոն Տեր-Պետրոսյանը շատ լավ գիտակցում է, որ Իսրայելը գործում է իր ազգային շահերից դուրս գալով և երբեք, մերկանտիլ շահերից դուրս գալով, որևէ երկրի զենք չի վաճառում... Իսրայելական շատ զարգացած և հզոր ռազմական արդյունաբերությունը հրեական պետության ԱԳՆ-ի կցորդներից է և ուղղակի զավեշտալի է, երբ ՀՀ առաջին նախագահը փորձում է Թել Ավիվի կողմից Բաքվին միլիարդավոր դոլարների զենքի վաճառքը, որը շարունակվում է այս պահին ևս, ներկայացնել որպես զուտ մերկանտիլ գործարք՝ դրանով փորձելով մեղմացնել կամ հերքել այն փաստը, որ այժմ Արցախյան պատերազմի թատերաբեմում ակտիվորեն համագործակցում են թուրք-ադրբեջանական տանդեմը, բազմապիսի ահաբեկչական կազմակերպություններ Սիրիայից, Պակիստանից, Աֆղանստանից ու Իսրայելը...
Այո՛, ստացվում է, որ Իսրայելը, որը մշտապես ներկայացել է որպես ահաբեկչական կազմակերպությունների զոհ, հիմա մեծ հաճույքով համագործակցում է ահաբեկչական կազմակերպությունների հետ ընդդեմ հայերի...
Ինչ վերաբերում է Տեր-Պետրոսյանի այն հույսերին, որ այդ երկրի հասարակությունը, ոտքի կանգնելով, վերջապես կստիպի սեփական կառավարությանը ներողություն խնդրել հայ ժողովրդից և հրաժարվել իր որդեգրած ամոթաբեր ու անմարդկային դիրքորոշումից, ապա ՀՀ առաջին նախագահն այստեղ ևս խորամանկում է՝ շատ լավ գիտենալով, որ երրորդ հանրապետության հռչակումից ի վեր, ի տարբերություն հայտնի հրեա մտավորականների մեծ մասի, որոնք մշտապես եղել են հայ ժողովրդի կողքին, հրեական պետությունը մշտապես դեմ է եղել ՀՀ-ին՝ համագործակցելով Ադրբեջանի հետ, որին այս վերջին տարիներին ոչ միայն միլիարդավոր դոլարների զենք է մատակարարել, այլև համապատասխան ռազմական մասնագետները նաև ներգրավված են եղել 2016 թ-ի ապրիլյան կարճատև պատերազմի ժամանակ ընդդեմ Արցախի... Էլ չասեմ, թե ինչ ամոթալի և զզվելի է Թել Ավիվի դիրքորոշումը հայոց ցեղասպանության ճանաչման առումով, երբ վերջինս այդ փաստի մասին հիշում է, երբ բարդանում են իսրայելա-թուրքական հարաբերությունները և հրեական պետությունն այն օգտագործում է Անկարայի դեմ բացահայտ շանտաժի համար...
Հ.Գ. Ցեաղսպանություն վերապրած հրեա ժողովրդի հայրենի իշխանավորների համար աշխարհաքաղաքական շահերը վեր են ամեն ինչից... Թել Ավիվը նույնիսկ պատրաստ է համագործակցել ամեն տեսակ թափթփուկների հետ...»,- գրել է Գագիկ Համբարյանը` ֆեյսբուքյան իր էջում։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
Արթուր Դավթյանի մայրը «լայքում է» Լևոն Քոչարյանին (լուսանկար)
Եթե մանդատները չեն վերցնում` ԱԺ ձևավորվում է. Արփինե Հովհաննիսյան
Ահազանգ. «Բոյով» մականունով թաղային հեղինակությունը ահաբեկում է քաղաքացիներին
