Հոկտեմբերի 8-ի երեկոյան ադրբեջանցիները վերջապես կթուլանան, իսկ 11-12-ը զինադադար կսահմանվի. Լապշինը փորձել է կանխատեսել

Ինչպես ես արդեն ասել էի հայկական լրատվամիջոցներին տված իմ բազմաթիվ հարցազրույցներում, մենք պետք է սպասեինք ադրբեջանական բանակի երկրորդ և վերջին հարձակմանը, մոտավորապես  հոկտեմբերի 6-ի երեկոյան: Ես սխալվեցի միայն մի բանում. Հարձակումը սկսվեց ոչ այնքան երեկոյան, այլ ավելի շուտ` Երևանի ժամանակով 15:00-ին:

Այս մասին դեռևս հոկտեմբերի 6֊ին գրել է լոգեր Ալեքսանդր Լապշինը` փորձելով կանխատեսել հայ֊ադրբեջանական շփման գոտում սկիզբ առած պատերազմական գործողությունների ընթացքը և ավարտը։ Վերլուծելով կատարվածը` Լապշինը նկատել է, որ ինչպես և կանխատեսում է, Ադրբեջանի երկրորդ հարձակումը կլինի բռնապետ Ալիևի վերջին և հուսահատ սխալ հաշվարկված ցանկությունը` ապացուցելու իր ժողովրդին, որ նա մեծ փարավոն է և հող վերադարձնող:

«Կարծում եմ, որ հայ զինվորականները ստիպված կլինեն մի փոքր 5-7 կմ նահանջել դեպի պաշտպանության երկրորդ կամ երրորդ գիծ: Բայց մոտավորապես հոկտեմբերի 8-ին՝ երեկոյան ժամերին, ադրբեջանցիները վերջապես կթուլանան, հարձակումը կդադարի, իսկ հոկտեմբերի 9-10-ը վերադառնալու են նախնական սահմանագիծ»,-գրել է Լապշինը։

Նրա կանխատեսումներով Հոկտեմբերի 11-12-ը պատերազմն, ընդհանուր առմամբ, կավարտվի, և կողմերին զինադադար կսահմանվի:

«Կարծում եմ ՝ Բաքուն արդեն անհեթեթ բացատրություններ է մշակում սեփական ժողովրդի համար, թե ինչու է Ադրբեջանը պարտվել պատերազմում: Ենթադրում եմ, որ նրանք կասեն «Ռուսաստանը կռվեց հայերի փոխարեն» և «նրանք դավաճանեցին մեզ»: Բայց սա չի փրկի Իլհամին: Նրա, առանց այն էլ ցածր վարկանիշային, ավելի կիջնի»,-գրել է Լապշինը։