Զոհված զինվորը, մինչև բանակ մեկնելը, բանվորություն է արել` միայնակ մորն օգնելու համար

Ամբողջ գյուղը չի կարողանում ուշքի գալ Էրիկի մահվան լուրից:Հակառակորդի ձեռնարկած դիվերսիոն գործողության հետեւանքով զոհված զինծառայող Էրիկ Գրիգորյանի մասին խոսելիս newspress.am-ի հետ զրույցում ասաց Շաքիի գյուղապետ Վահան Ղազարյանը:

Նրա փոխանցմամբ` տղան աչքի է ընկել իր հայրենասիրությամբ ու աշխատասիրությամբ: Գյուղապետը նկատեց նաև, որ Էրիկը միակողմանի ծնողազուրկ է. հայրը մահացած է, իսկ ընտանիքում 5 երեխա էին. «Չարչարված, տանջված ընտանիք է. սոցիալապես անապահով են: Մինչև բանակ գնալն էրիկը բանովարություն էր անում` միայնակ մորն օգնելու համար»,- ասաց գյուղապետը:

Վահան Ղազարյանի փոխանցմամբ մինչ այս Էրիկը թշնամու գնդակից էլի է վիրավորվել, սակայն այն ժամանակ արագ ապաքինվել է: Երկրորդ վիրավորումը եղավ ճակատագրական. «Ցավոք, հակառակորդի գնդակը կպավ նրան հենց զորացրվելուց առաջ»:

Հիշեցնենք, որ դեկտեմբերի 4-ին ժամը 04:30-ի սահմաններում ղարաբաղա-ադրբեջանական հակամարտ զորքերի շփման գծի հյուսիսարևելյան (Թալիշ) ուղղությամբ հակառակորդը ձեռնարկել է հետախուզադիվերսիոն ներթափանցման հերթական փորձ:

ՊԲ առաջապահ ստորաբաժանումները ժամանակին հավաստանշել են ադրբեջանական հատուկ ջոկատայինների առաջխաղացումը և կորուստներ պատճառելով` հետ շպրտել իրենց ելման դիրքերը: Ցավոք, ծավալված մարտերի ընթացքում մահացու հրազենային վիրավորում է ստացել ՊԲ զինծառայող, 1995թ. ծնված Էրիկ Էդիկի Գրիգորյանը, տեղեկացնում է :