Միայն հակահարձակում, միայն հստակ, մաքուր և կոշտ հաղթանակ. Հայկ Մարտիրոսյան

Քաղաքագետ Հայկ Մարտիրոսյանը ֆեյսբուքյան իր էջում գրառում է կատարել.

«ՀՈւՅԺ ԿԱՐԵՎՈՐ !!!

Մեր կանխտեսումն այն մասին, որ լուրջ պատերազմական գործողություններ են լինելու` ցավոք սրտի իրականացավ:

Սա այն իշխանությունը չէ, որով ցանկալի էր դիմակայել պատերազմին: Բայց կա այն` ինչ կա և հիմա մենք մեկ ենք` մեկ ազգ, մեկ բանակ, մեկ ճակատագիր:

Հիմա մեկ առաջնահերթություն միայն պետք է ունենանք.

Դադարեցնում ենք ամեն տեսակի ներքաղաքական քննարկումները: Համախմբվում ենք և դիմակայում, ապա և մարտական հաջողություններ արձանագրում:

Եթե սա վերաճի լայնամասշտաբ գործողությունների` իսկ դա այլևս շատ իրատեսական է` Հայաստանը երկու ելք միայն կարող է ունենալ. պարտություն և պատմության ավարտ կամ հաջողություն և վերջնական հաղթանակ:

Մեր միակ նպատակը պետք է լինի.

Ա. Հետ մղել հարձակումը,

Բ. Անցնել հակահարձակման

Գ. Նպատակ դնել ազատագրել ՀՀ մնացյալ տարածքները` մինչև Քուր-Արաքսյան բնագիծ և դրանով ամուր հաղթանակ ապահովել` լուծելով այս կոնֆլիկտը:

Որևէ այլ սցենար` լինելու է դավաճանություն, որ տանելու է դեպի մեր պարտության: Իսկ մենք պարտվելու իրավունք չունենք:

Մեր պարտքն է հաղթել: Բիշքեքներ, ապրիլներ կամ չափազանցված հուլիսներ մեզ թույլ տալ մենք այլևս չենք կարող:

Միայն հակահարձակում: Միայն հստակ, մաքուր և կոշտ հաղթանակ:

Այլ ելք մենք չունենք:

Ի զե´ն:

Դեպի´ հաղթանակ»: