Թրի տակով անցնելու հերթ են կանգնել

Ազգային ժողովում այսօր քննարկվում էր Սահմանադրական դատարանի երեք դատավորի թեկնածուների ընտրության հարցը:

Հիշեցնենք, որ խոսքը գնում է Սահմանադրությունը որպես ջնջոց օգտագործելով ու ոտնահարելով իրենց պաշտոններից հեռացված նախկին դատավորների մասին:

Թե ինչպիսի բարոյականություն պետք է ունենա ցանկացած մարդ, որ իմանա իրեն առաջարկում են ուրիշից գողացվածը, թողնենք ընթերցողների դատին, բայց մի բան ակնհայտ է, ՍԴ դատավորներից խլված դատավորի աթոռի համար այսօր խորհրդարանում կռիվ տվողները հայելու մեջ նայելուց պետք է երկար մտածեն:

Երվանդ Խունդկարյանը պետք է ինքն իրեն հարց տա, թե ինչպես տասը տարի աշխատելով փաշինյանական կոռումպացված ու թալանված Վճռաբեկ դատարանի նախագահ, կարողացել է անմասն մնալ այդ թալանից, զանգովի արդարադատությունից:

Երվանդ Խունդկարյանը թող ասի, ինչպես է հնարավոր տարիներ շարունակ աշխատել հնի հետ եւ հիմա դառնալ նոր: Սահմանադրական դատարանի դատավորի թեկնածու:

Մյուս դատավորի թեկնածու Արթուր Վաղարշյանը, ում արդեն մի անգամ մերժել են ինքն իր համար պետք է գտնի հարցի պատասխանը, թե ինչ երեսով է մի կողմ թողնում իր վաստակը իրավաբանության ոլորտում եւ երկրորդ անգամ, այո՛, մուրում իրավաբանությունից հազարավոր կիլոմետրեր հեռու գտնվող եւ գրագիտության բացակայությամբ աչքի ընկնող քայլարածներից:

Էդգար Շաթիրյանն էլ լավ կանի ասի, ինչպես եւ ինչ միջոցներով է կիտել իր ունեցվածքը: Սրանք հարցեր են, որոնց պատասխանները ցույց են տալիս, որ նախկինը չի փոխարինվում նորով, նախկինը փոխարինվում է ընդամենը մարդկանցով, որոնք պատրաստ են անցնել այս իշխանության թրի տակով:

NewsPress.am