Փաշինյանի փախեփախը
Հայաստանի վարչապետ Նիկոլ Փաշինյանն այսօր հերթական անգամ կառավարության նիստն օգտագործեց պետության առաջ ծառացած սոցիալ-տնտեսական ծանր խնդիրների մասին իր պատկերացումները ներկայացնելու համար։
Փաշինյանը հավաստիացրեց, որ մեր երկրում սոցիալական և տնտեսական ճգնաժամ չկա, որովհետև ժողովուրդն առևտուր է անում, իսկ դա երևում է ՀԴՄ կտրոններով, որոնք ցույց են տալիս ողջ դրամաշրջանառությունը։
Մի կողմ թողնենք այն, որ երկու տարվա վարչապետն այդպես էլ շարունակում է տնտեսության մասին իր պատկերացումները սկսել ու ավարտել ՀԴՄ կտրոններով: Փաստորեն, տնտեսագետներն անիմաստ են հաշվարկներ անում, տնտեսության ճյուղերի զարգացման համեմատական սխեմաներ կազմում։ Տնտեսության մասին կարելի է խոսել ընդամենը ՀԴՄ-ներ հաշվելու ունակություն ունենալով, ինչը վարչապետին բավարար է տնտեսության աճի կամ անկման մասին խոսելու համար։
Բայց ինչպես ամեն անգամ, այս անգամ ևս՝ Փաշինյանը ստեց՝ հրապարակած թվերով հասարակությանը ներկայացնելով ոչ թե իրական, այլ իր երազած պատկերը։
Փաշինյանի հայտարարությունից կարճ ժամանակ անց՝ իրականությունը բացահայտեցին տնտեսագետները։
Պարզվում է, որ 2020 թվականի հուլիսին նախորդ տարվա նույն ամսվա համեմատ առևտուրը նվազել է 10,4 տոկոսով, մանրածախ առևտուրը կրճատվել է 17,6 տոկոսով, իսկ ծառայության ոլորտն անկում է գրանցել 21,6 տոկոսով։
Այս թվերը ցույց են տալիս, որ վարչապետի այսօրվա հայտարարածը՝ տնտեսության 2.5 տոկոսի անկման մասին, իրականությանը չի համապատասխանում։
Այս թվերի մանպուլյացիան հերթական անգամ ցույց է տալիս, որ կառավարության ղեկավարի համար իշխանությունը պահելու միակ տարբերակը մնացել է թվերը կեղծելն ու իր ընտրազանգվածին խաբելը։ Հերթական անգամ ստեղծվում է ֆոն, որ կառավարությունը չի ձախողել կորոնավիրուսի դեմ պայքարը, և ունենք ընդամենը 2.5 տոկոսի անկում։ Ի՞նչ է սա, եթե ոչ ծաղր արդեն շաբաթներ կառավարության դիմաց բողոքի ակցիաներ անողների ու իրենց ծայրահեղ վիճակի մասին ահազանգողների նկատմամբ։
Ժողովրդի վարչապետն այս ամենին շարունակում է անհաղորդ մնալ, չի ընդունում ակցիայի մասնակիցներին և բողոքի ակցիաներին հետևում է կառավարության իր աշխատասենյակի պատուհանից։
Սա է իրական նոր Հայաստանը, երբ իշխանության բարձունքից այդ նույն իշխանավորը թքում է ժողովրդի հոգսերի, խնդիրների վրա ու մտածում միայն սեփական անձնական բարեկեցության ու իրեն օդից բաժին հասած աթոռի մասին։ Երկրում ամեն օր խորանում է տնտեսական ճգնաժամը՝ անկախ Փաշինյանի հրապարակած թվերից, ամեն օր փակվում են խանութներ ու փոքր և միջին բիզնեսներ, ամեն օր երկրում աճում է գործազրկությունը, և հիմա Նիկոլը կանգնած է մի գիշերում երկրից թռնելու, կամ տված ամեն մի խոստումի համար պատասխան տալու առաջ:
Երրորդ տարբերակ այս անգամ նա չունի. չեն թողնի, որ ունենա։
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Զnhված տղաների шրյшն հոտը վերցրել էր ողջ քաղաքը. 19.09.2023. հիշում է՝ արgախgի Նանար Պողոսյանը
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Հայաստանի բնակիչը հացադուլ է հայտարարել՝ Մոսկվայից պահանջելով վերադարձնել իր 3 երեխաներին
Մահացել է Մակրոնի կնոջը տղամարդ անվանած լրագրողուհին
Կոռուպցիա՞, կամայականությո՞ւն, թե՞... ԿԳՄՍՆ-ն տեղյա՞կ է, որ Գեղարվեստի ազգային ակադեմիայում «մատից հ...
Տավուշում ոստիկանը մեքենայով բախվել է ձիուն և կողաշրջված հայտնվել այգում. նա տեղում մահացել է
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Մակրոնի կնոջը տղամարդ անվանած լրագրողը մահացել է հենց դատը շահելու օրը. մանրամասներ
