Լուրջ և վստահելի աղբյուրներից ստացվող լուրերը լավատեսական չեն. կատարվում է այն` ինչ նախկիններն էին անում. քաղաքագետ

Քաղաքագետ Հայկ Մարտիրոսյանը ֆեյսբուքյան իր էջում գրառում է կատարել.

«Լուրջ և վստահելի աղբյուրներից ստացվող լուրերը լավատեսական չեն:

Ակնհայտ է այլևս դառնում, որ օրեր շարունակ մեզ ներկայացվող փաստերն ու իրականությունը տեղ-տեղ, մեղմ ասած, կարող են և չհամկնել: Բայց այս նեոտերպետրոսյանական պրոպագնդիստական մեքենան ավելի արդյունավետ և պոպուլիստական է, քան` նախկիններինը և նրան հաջողվում է զանգվածների հարձակմամբ լռեցնել ամեն հարցադրում, իսկ քննադատությունները` հավասարեցնել դավաճանության: Եվ այդպես ազգային և կամային քաղաքականության իսկական կողմնակիցները ամբոխային մամլիչի տակ են դրվում, իսկ հայրենապաշտական կեղծ բացականչիչները դառնում են լսելի և ավետաբեր: Ու թիկունքում հանգիստ կատարվում է այն` ինչ նախկիններն էին անում:

Այլընտրանքային, բայց իրական փաստերի մասին հիմա չենք խոսի: Հասարակությունն, ակնհայտորեն դրան պատրաստ չէ: Գուցե պետք էլ չէ ողջ ճշմարտությունը հիմա, այսօր հրապարակ բերել: Եվ նույն այդ պատճառով. հասարակությունն ուղղակի դրան պատրաստ չէ:

Բայց եթե մենք հասուն, ճշմարտություն սիրող հասարակություն լինեինք` դառը ճշմարտությունը կնախընտրեինք մեզ մատուցվող քաղցր խաբեությունից: Բայց մենք հասուն չենք, մենք դրան պատրաստ չենք:

Ճշմարտությունը, սակայն, հիվանդանում է, բայց չի մեռնում: Առաջիկայում այն նույնպես անպայմանորեն հրապարակ կգա:

Միայն մի մտորում. վերջին օրերին մենք կարծես թե շատ ենք տարվել փոքրիկ նախնական հաջողության մի դրվագով ու հիմա դրանից համատիեզերական հաղթանակի դյուցազնավեպ ենք կերտում մեզ համար: Բայց իրականությունն այլ է` անկախ նրանից թե ինչպես ենք մենք տքնում տեսնել ու մատուցել այն:

Միևնույն ժամանակ դիվանագիտական և քաղաքական ասպարեզում քաղաքական ղեկավարությունը նոր վտանգաոր գործընթացների մեջ է մտնում: Եվ դրան մենք նույնպես արժանի ենք:

Արժանի ենք, որովհետև ատում ենք սթափությունը, պարծենկոտ ենք և ներում ենք խաբեության դրվագները, եթե դրանք մեզ մատուցվում են անչափ երկար սպասված քաղցր ընդեղենով:

Վայելենք` մինչ կգա իրականությամբ և իրականությունում քաղցր հետճաշի վճարման պահը»: