Հայաստանն ի վիճակի է ոչնչացնել Ադրբեջանի ամբողջ տնտեսական ներուժը. Վաղարշակ Հարությունյան

Ռազմական տեսանկյունից Ադրբեջանը նպատակ ունի փոքր քայլերով փոփոխել շփման գիծը, ընդունել այնպիսի դիրքեր, որը իրենց տալիս է առավելություն և պետք է ուշադիր լսենք, թե ինչ են ասում ադրբեջանցի պաշտոնյաները։ Այս մասին այսօր լրագրողների հետ զրույցում ասաց պաշտպանության նախկին նախարար Վաղարշակ Հարությունյանը։

Նա նկատում է, որ թե ուժեղացնում է իր բանակը, ժամանակ առ ժամանակ հասնում են հաջողությունների և օրինակ է բերում 2016 թվականի ապրիլյան պատերազմը, երբ որ իրենք փոքր տարածքներ են վերցրել և հիմա որդեգրել են այդ ռազմական քաղաքականությունը՝ քայլ առ քայլ հասնել դրան։

«Իլհամ Ալիևը հայտարարում է, որ իրենք կսպասեն այն նախապայմաններին, որ վերսկսեն. նրանք ունեն խնդիրներ ընթացքում բարելավել դիրքերը, և երբ որ կստեղծվեն այդ նախապայմանները նրանք կսկսեն լայնածավալ պատերազմը»,-ասաց Վաղարշակ Հարությունյանը և հավեց, որ Ադրբեջանը միշտ սխալ էր գնահատում իրավիճակը:

«Ադրբեջանը միշտ հույս էր դնում, որ իրենքը տարածքով մեծ են, ունեն ռեսուրսներ և համարում էր, որ դա բավարար պայման է` հաղթանակ տանելու համար և միշտ այդ սրացումների են գնացել։ Արդյունքում մենք ունենք պատերազմ, որը ավարտվեց հայկական կողմի հաղթանակով»,-ասաց Վաղարշակ Հարությունյանը:

Ըստ նրա, եթե Ադրբեջանը փորձի սկսկել պատերազմ, ապա պարտվելու է, որովհետև մենք ունենք այնպիսի միջոցներ, որոնք ի վիճակի են ոչնչացնել Ադրբեջանի ողջ տնտեսական ներուժը և իրենք դա շատ լավ պատկերացնում են։

«Ադրբեջանը նունիսկ չի էլ խուսափում ասի, որ այո, մենք պատրաստվում ենք պատերազմի, սադրանքներ ենք կազմակերպում ոչ միայն Արցախի սահմանում, այլև Հայաստանի, և այն զինադադարը, որը ստորագրվել է 1994 թվականի մայիսի 16-ին իրենք կոպիտ խախտում են։ Սա խոսում է, որ միջազգային փաստաթուղթն իրենց համար անընդունելի է»-եզրափակեց նախկին պաշտոնյան։