Հրազդանում 53-ամյա որդին առանձնակի դաժանությամբ ծեծի է ենթարկել տարեց մորն ու հորը

Երեկ՝ դեկտեմբերի 1-ին, դաժան դեպք է տեղի ունեցել Կոտայքի մարզում: Ժամը 14:40-ի սահմաններում ոստիկանության Հրազդանի բաժնում և «Հրազդան» բժշկական կենտրոնում ահազանգ է ստացվել, որ Հրազդան քաղաքի Միկրոշրջան թաղամասի 220 շենքի 4-րդ բնակարանում անօգնական տարեց ամուսիններ կան, հաղորդում է Shamshyan.com կայքը: Օպերատիվորեն նշված հասցե են ժամանել Հրազդանի ոստիկաններն ու շտապ օգնության վերակարգը, ովքեր նշված հասցեից Հրազդանի հիվանդանոց են տեղափոխել բնակիչներ, 84-ամյա Աղավնի Հակոբյանին և 88-ամյա Ավետիս Հակոբյանին:

Գ. Շամշյանը հայտնում է, որ Աղավնի Հակոբյանը վնասվածքները ստացել է մարմնի տարբեր մասերում, առավելապես՝ դեմքի շրջանի ջնջխված վերքեր, կապտուկներ, սալջարդ, իսկ հայրը՝ դեմքի շրջանում սալջարդ և կապտուկներ: Հարևանները ֆոտոլրագրողի հետ զրույցում ասում էին, որ եթե բժիշկներն ու ոստիկանները մի քիչ ուշանային, հնարավոր է՝ տարեց ամուսինները մահանային, քանի որ գտնվում էին անօգնական ու վատ վիճակում, իսկ նրանց որդին՝ նույն հասցեի բնակիչ, 53-ամյա Հայկազ Հակոբյանը, ով կասկածվում է ծնողներին դաժան ծեծի ենթարկելու մեջ, հրաժարվում էր ծնողներին տեղափոխել հիվանդանոց: Հարևաններն ասում էին նաև, որ որդին գտնվում էր ոչ սթափ վիճակում, ում Հրազդանի ոստիկանները տեղափոխեցին Հրազդանի բաժին: Արդեն հիվանդանոցում մայրը ոստիկաններին հայտնել է, որ իրեն և ամուսնուն, ով, ի դեպ, անկողնային հիվանդ է, ծեծի է ենթարկել որդին՝ Հայկազը: Վերջինս էլ հարևանների մոտ հայտարարել է, թե հայրն է իր մորը ծեծել:

Մանրամասները` սկզբնաղբյուր կայքում: