Արմեն Սարգսյանի հեռացումը՝ թիվ մեկ օրակարգ

Հանրապետության նախագահ Արմեն Սարգսյանը երեկ կեսգիշերին ստորագրեց իր քաղաքական կարիերայի վերջին փաստաթուղթը ու որպես պետության գլուխ դադարեց լինել Հայաստանի հանրապետության Սահմանադրության երաշխավորը:

Արմեն Սարգսյանը գնաց քաղաքական գործարքի Նիկոլ Փաշինյանի քաղաքական թիմի հետ ու ինքն իր ձեռքով ստորագրեց իր լիազորություններն իր ձեռքից բաց թողնելու և դրանց տեր չկանգնելու մասին օրենքը:

Այս պահի դրությամբ կարող ենք ասել, որ Սահմանադրական դատարանում իշխանությունը հիմա կստեղծի իրական ճգնաժամ Արմեն Սարգսյանի թեթև ձեռքով։ Հրայր Թովմասյանին դատավոր դարձնելով, իսկ ՍԴ երեք դատավորներին տուն ուղարկելով արդեն ունի բացառիկ հնարավորություն Սահմանադրական դատարանը կցորդ և կախյալ դարձնելու համար:

Հայաստանի հանրապետության գործադիր, օրենսդիր և դատական իշխանությունները արդեն գտնվում են Փաշինյանի բռի մեջ ու որպես դիկտատոր ժողովրդավարության բաստիոն Հայաստանը վերածվել է ավտարիտար Հայաստանի՝ դարձյալ նախագահ Արմեն Սարգսյանի թեթև ձեռքով:

Արմեն Սարգսյանը դարձավ այն նախագահը, որը Փաշինյանի խամաճիկներին ճանապարհ դրեց դեպի Սահմանադրական դատարան, որտեղ փաշինյանական կադրը՝ Վահե Գրիգորյանը միլիոններ է վաստակում առանց աշխատավարձ ստաալու:

Բնականաբար, վահեգրիգորյանական օրինակը վարակիչ է լինելու փաշինյանական հաջորդ դրածոների համար ու Սահմանադրական դատարանը կդառնա այն մարմինը, որը այո կասի կառավարության կամ «Իմ քայլի» բոլոր որոշումներին:

Այն, որ առանց անկախ դատական համակարգի չի լինում ժողովրդավարություն, հայտնի է բոլորին, այն, որ Հայաստանը գտնվում է մեկ անձի կառավարման ենթակայության տակ, դա ևս արձանագրված է, բայց այն, որ նախագահ Արմեն Սարգսյանի պես նախագահ մենք էլ չպետք է ունենանք, հայտնի դարձավ երեկ կեսգիշերին, այնպես որ բոլորս պահանջում ենք՝ Արմեն Սարգսյան, հեռացիր:

NewsPress.am