Ռոբերտ Հայրապետյանը`ԱԱԾ-ի հրապարակած տեսանյութի և պատգամավորների կողմից տարածվող լուսանկարների մասին
Իրավապաշտպան Ռոբերտ Հայրապետյանը Ֆեյսբուքյան իր էջում գրել է.
«Համացանցում ակնտիվորեն շրջանառվում են ԱԱԾ կողմից հրապարակված տեսանյութից արված նկարներ, որոնք վերաբերվում են «Բարգավաճ Հայաստան» կուսակցության պատգամավորների կողմից գրված գրություններին։
Տարակուսելի է, արդյոք ԱԱԾ կողմից հրապարակված տեսանյութն է իրավական առումով ավելի խնդրահարույց թե դրանից արված լուսանկարները իշխանական պատգամավորների կողմից տարածելը, բայց մի բան անվիճելի է․ այդ հրապարակումները խախտում մի շարք պատգամավորների նամակագրության, փոստային, հեռագրական և այլ հաղորդումների ( նաև հաղորդագրություններ) գաղտնիության սահմանադրական իրավունքը, որը անձի իրավական կարգավիճակի հիմնական տարրերից մեկն է։
Ակնհայտ է, որ այդ իրավունքը, իրենից ներկայացնում է որոշակի
հնարավորություն, որն արտահայտվում է անհատական հաղորդագրությունների ազատության ու երրորդ անձանց կողմից կամայական միջամտությունից, այդ թվում՝ որևէ վերահսկողությունից ու գրաքննությունից պաշտպանելու միջոցով: Միաժամանակ նշված հնարավորությունը հանդես է գալիս որպես անձնական ու ընտանեկան կյանքի գաղտնիքի կարևոր երաշխիք: Քանի որ առանց դրա գոյության հնարավոր չէ երաշխավորել անձի անհատական ազատությունը և հետևաբար նաև նամակագրության գաղտնիությունը։
Նամակագրության գաղտնիության իրավունքի իրացումը մեծապես ապահովվում է և միաժամանակ երաշխավորվում պետական իշխանության մարմինների ու նրանց պաշտոնատար անձանց պատշաճ գործողություններով: Դա նշանակում է, որ հաղորդագրությունների մասով գաղտնիք կրելու յուրաքանչյուրի իրավունքը իրացվում է, եթե պետական մարմիններն ու հասարակական հարաբերությունների այլ մասնակիցներ
պահպանում են այդ իրավունքի իրացման սահմանադրական պահանջը:
ՄԻԵԴ իրավական դիրքորոշումն այն է, որ Մարդու իրավունքների եվրոպական կոնվենցիան (հոդ. 8) պահանջում է ոչ միայն պետություններից ձեռնարկել քայլեր, որոնք պետք է ուղղված լինեն առանձին մարդուն իր հաղորդագրության գաղտնիության իրավունքի իրական հարգանքն ապահովելուն, այլև պահանջել պաշտպանել այդ անձին այլոց ոչ իրավաչափ գործողություններից, ովքեր խոչընդոտում են այդ իրավունքի իրականացմանը: Եվ ինչպես ակնհայտ է, պետությունն այսօր իրականացնում է լրիվ հակառակը։
Ըստ էության այս գործողություններով խախտվել է ոչ միայն ՄԻԵԿ, Սահմանադրությամբ նախատեսված այս իրավունքը, այլև «Փոստային կապի մասին», «Էլեկտրոնային հաղորդակցության մասին», «Տեղեկատվության ազատության մասին, «Օպերատիվ–հետախուզական գործունեության մասին» և այլ օրենքներով նախատեսված մի շարք իրավունքներ։
Ավելորդ եմ համարում անդրադառնալ նաև այն հարցին, որ հրապարակված թղթերում քրեական հանցագործության որևէ տարր չկա, ու առնվազն անհասկանալի է դրանք ԱԱԾ տեսանյութով հանրայնացնելը»։
Փաշինյանը հանձնարարել է չեղարկել «Ուժեղ Հայաստան»-ի և «Հայաստան» դաշինքի գրանցումը
ՀՐԱՏԱՊ․ Զգուշացում՝ ներքաղաքական վտանգավոր զարգացումների մասին
Հայաստանի ընտրությունները չեն կարող համարվել օրինական. Դմիտրի Մեդվեդև
Երևանում հնչել են կրակոցներ․ կա վիրավոր
Էս խայտառակ ընտրությունների արդյունքները լեգիտիմացնելու են ոչ թե էն մարդիկ, ում վիժվածքը ողջ գիշեր զ...
Իրանի արտաքին գործերի նախարարությունը զգուշացրել է տարածաշրջանի երկրներին
Հանրահավաքից հետո ՔՊ-ականներն ինքնաբացարկ են ներկայացրել. «Հրապարակ»
Լավրովը կոչ է արել Նիկոլ Փաշինյանին պատասխան տալ իր խոսքերի համար
27/7 ընտրատեղամասում ԲՀԿ ստացել է 77 ձայն, ԿԸՀ կայքում նշված է 1 ձայն. ԲՀԿ-ն մի շարք ընտրատեղամասեր...
Արթուր Դավթյանի մայրը «լայքում է» Լևոն Քոչարյանին (լուսանկար)
