Արայիկ Հարությունյանը քննությունը հանձնեց գերազանց

Արդեն տևական ժամանակ է` ինչ տարբեր լուրեր են շրջանառվում այն մասին, որ Արցախում դադարեցվել է 5-ր ալիքի հեռարձակումը:

Սկզբնական փուլում Արցախում իշխանական մակարդակով փորձեցին դա հերքել ու հեռուստաընկերության հեռարձակման պատճատը կապել տեխնիկական խնդիրների հետ: Տեխնիկական խնդիրների մասին խոսելով արցախյան իշխանությունները փորձում էին ժամանակ շահել ու գուցե ցրել նաև այս հարցի ուղղությամբ մարդկանց ուշադրությունը, բայց ինչպես ամեն սուտ, այս մեկը ևս, ունի բացահայտվելու հատկություն:

Պարզվեց, որ հեռուստաընկերության անվճար հեռարձակումն Արցախում ուղղակի դադարեցվել է: Ստացվում է, որ քաղաքական նպատակահամարությունից ելնելով ձեռնտու չէ արցախցիներին այդ հեռուստաընկերության ասելիք հասցնելը, դա բխում է և՛ վարչապետ Նիկոլ Փաշինյանի, և՛ Արայիկ Հարությունյանի շահերից:

Կարելի է ասել, որ Արցախի նախագահ Արայիկ Հարությունյանն Արցախում 5-րդ ալիքի հեռարձակումն արգելելով Փաշինյանի մոտ հանձնեց իր առաջին քննությունն ու ստացավ գերազանց գնահատական: Այդ քննության արդյունքներից բավարարված են Հայաստանում և բավարարված է ինքը:

Խնդիրն այստեղ այն չէ, որ վաղ թե ուշ արցախցիները կգտնեն ընդդիմադիր խոսք լսելու այլ տարբերակ, այլ այն, որ Արցախում ընդդիմադիր հեռուստաընկերություն լռեցնելով հայաստանյան իշխանությունները հող են նախապատրաստում իրենց հեռագա անելիքների համար:

Հայաստանն այսպես փորձեց հասկանալ՝ արդյոք արցախցիների կողմից կարող է արժանանալ դիմադրության, այս կամ այն հարցում. Հեռուստաընկերություն փակելով, տեսավ, որ դիմսդրություն չկա, ուստի պետք է անցնել երկրորդ փուլին ու լուծել Արցախի հարցում իր վրա դրված պարտականությունը, այնպես որ առաջին քայլը մանրադրամ է թվալու այն ամենի հետ համեմատ, ինչ կարող է սպասվել հետագայում:

NewsPress.am