Փաշինյանը սրա մասին չէր էլ կարող երազել. բախտ եմ ասել է

Բացիլն ու բակտերիան իրարից չտարբերող վարչապետը գտել է ձևը հավերժ փակելու բոլոր ընդդիմադիրների բերանը: Այսօր վարչապետը հայտարարեց, որ վաղը որոշում կկայացվի ևս մեկ ամսով արտակարգ դրությունը երկարաձգելու:

Վաղը նախատեսված է կառավարության և Ազգային ժողովի արտահերթ նիստեր, որի ընթացքում որոշում կկայացվի երկրում հաստատված արտակարգ դրությունը արդեն 4-րդ անգամ երկաարձգել:

Ինչ խոսք՝ չկա ավելի հարմար տարբերակ հանրային դժգոհություններն ու սովի մատնված ՀՀ հպարտ քաղաքացուն կամ պողոսներին տանը պահելու, քան՝ արտակարգ դրությունն է:

Նիկոլ Փաշինյանը սրա մասին չէր էլ կարող երազել: Կորոնավիրուսը հանրային դժգոհությունները լռեցնելու մի հիանալի գործիք դարձավ այս իշխանության ձեռքում:

Իսկապես, որ կորոնավիրուսը հնարավորությունն է ստեղծում տոտալիտար այս իշխանության համար ու հիմա ստեղծվել է սովածին լռեցնելու, ընդդիմադիրների բերանը կարելու և պետական բյուջեն տնօրինելու սրտի ուզած չափով:

Իմ քայլի պատգամավորների համար ստեղծվել է արտակագ լավ իրավիճակ, ամբողջ երկրում արգելված են հանրահավաքները, չեղարկվեց իրենց գլխին պատուհաս դարձած հանրաքվեն, լսում են բոլորիս հեռախոսազանգերն ու ում ոնց ուզում են՝ տեղորոշում են:

Կհաջողվի արդյոք այս իշխանությանը ժողովրդին դնել անհասկացող մի ամբոխի տեղ ու այսպես շարունակել քարշ տալ իր պաշտոնավարությունը,դա կախված է այդ նույն ժողովրդից, որը սկուտեղի վրա այս իշխանությանը մատուցեց բացարձրակ իշխանություն ու ստացավ պողոսապետություն:

Ստեղծված իրավիճակում անելիք ունեն նաև քաղաքական այն ուժերը, որոնք հայտ են ներկայացրել ձևավորել ազգային համաձայնության կառավարություն ու երկիրը դուրս հանել ստեղծված իրավիճակից:

Հանրության սպասումները հենց նրանք են, որ պետք է փաթեթավորեն ու դնեն աջ ու ձախ բոլորին ասֆալտին փռող, արտակարգ դրության պայմաններում քրեական գործերով վախեցնող այս ապիկար իշխանության առաջ: Պահը օրհասական է հենց քաղաքական ընդդիմադիր ուժերի համար, քանի որ նրանք պետք է համախմբվեն հանուն մեկ գաղափարի՝ թույլ չտալ երկրում տոտալ բռնապետության հաստատում ու գահընկեց անել փոքրիկ բռնապետին ու նրա արբանյակներին:

NewsPress.am